TKP Lawngtlai North Bial-in Bible Quiz an buatsaih chu zawh fel a ni.

TKP Lawngtlai’N’  Bial Bible Quiz : 2021

Ṭhalai Kristian Pawl (ṬKP), Lawngtlai North Pastor Bial chuan kum 2020-21 chhung atana Bial Rorel bawhzuiin, September ni 9 & 10, 2021 (Ningani & Zirtawpni) zanah te khan bial chhung unit-te inelna Bible Quiz an buatsaihah a ni a, ṬKP Thingkah Unit chu pakhatna an ni

He Bible Quiz hi BCM Thingkah-ah nghah niin, COVID-19 hri leng karah pun khawm tam a rem loh avang leh mi tam zawkin an chhim theih nan tualchhung cable TV leh Youtube kal tlangin live-a pek chhuah a ni a. Lawngtlai North Pastor Bial chhunga ṬKP Unit panga (5) – Electric Veng, Kanaan, Peniel, Salem leh Thingkah unit-te atangin mi pahnih theuh (hmeichhia leh mipa) tel in, Pathian Lehkhabu Thianghlim (Thuthlung Thar) atangain Bible Quiz hi neih a ni.

TKP Lawngtlai’N’  Bial Bible Quiz : 2021

Bible Quiz-ah hian Bial ṬKP Executive Committee Member Pu Joseph Lalhmingthanga Chinzah chu Quiz Master niin, ṬKP Salem Unit member Nl. C. Lalhruaitluangi chu Host a ni a. Inelna ah hian, a pumpuiah point 180 hmuin ṬKP Thingkah Unit chu pakhatna an ni a, 2-na Peniel Unit leh 3-na Salem Unit te an ni.