Tailoring  Trainee te pualin Graduation program  Hman ani.

Tunkar thawhtan May 3, 2021 khan BCM Relief & Development Department leh INDIANEER Pvt. Ltd te  thawhhonaa Puanthui Zirna (Tailoring Training) nei mek te chuan Exam te neih a nih hnuah an zirna te tha taka zoin Graduation program hman a ni.

Graduation program hi hrileng avanga inkhuahkhirhna dan te uluk taka vawngin, zirlai zo mi 15 bakah Programme a tel lo thei lo mi tlem te ten an hmang a ni. He hun hi Rev. R.Lalbiakliana AGS –  Service in a hman pui a, fuihna thu sawiin Certificate a hlanna nghal bawk.  Training chhuak te hnenah hian an bul tanna tur Puanthui khawl pek vek an ni.