Thuampui Pastor Bial Aizawl-ah Kohhran Hruaitu Seminar neih a ni.

May 14 leh 15, 2022 khan Thuampui Pastor Bial chuan BCM Biak in, Thuampui-ah Kohhran Hruaitu Seminar an buatsaih a. He Seminar-ah hian BCM Planning Panga-na chungchang leh BCM Constitution & Rules chungcahng zirhona neih a ni a. Resource Person-ah Pu Lalruatkima, Administrative Officer, Headquarters Office, Serkawn hman a ni a, Bial chhunga Kohhran Upa leh rawngbawltute, Fellowship hrang hrang – BKHP, BMP leh KNP hruaitute an tel a ni.

Inrinni nilengin Seminar hi neih a ni a, Bialtu pastor Rev. C. Lalhungliana’n Inhmelhirttirna leh Pathian hnena Inkawltirna hun a hmang a, BCM Planning Commission panga-na leh BCM Constitution thar-in Assembly, ABC, Bial leh Tualchhung Kohhran inrelbawl dan a tih danglam te leh kalphung a tih danglam te inkawhhmuhin zirchianna te neih a ni a. Zawhna leh Chhanna hun te hman a ni bawk.Inrinni zan, Pathianni zing leh Pathianni zanah te Bial chhung Kohhran hrang hrangah inkhawmin, thuchah bakah Kohhran mipui te tana pawimawh  inhrilh hriatna neiin Resource person hian hun a hmang a ni.