TKP, Aizawl ten Missionary Day denchhen in hnatlang an nei.

TKP Coordination Committee Aizawl hruaitute chuan, kum 2011 a Lengpui daia TKP Diamond Jubilee puala Sap Upa leh Pu Buanga te thlalak an lo tar tawh chu January 11, 2021, Missionary Day khan chei that  hnatlang an nei a, Signboard thar vuahin a hmun leh chhehvelte tihfai nghal a ni bawk.

Missionary day a nih angin Mizorama Chanchin Tha rawn thlen a changkanna leh hnasawnna tamtak rawn thlentu Sap Upa leh Pu Buanga te hriatreng nan leh an ngaihhlutzia leh an hnathawh avanga an lawmzia lantir nan he hoarding cheithat hnatlang hi neih a ni. He Signboard hi uluk leh duat takin TKP Coordination Committee Aizawlte hian an enkawl a, license hranpa neiin kumtin a enkawltu Dept-ah renew a ni thin bawk a ni

He hunah hian TKP Coordination Committee hruaitu ni lai mekte leh hruaitu hluite an kal khawm a, lawmthusawina programme tawi hman a ni.