Tunhnai Programme thenkhat

BCM General Secretary: Rev.F.Ramdinmawia

G.S-in Kohhran thar hawng dawn:

BCM Chhipphir Kohhran atangin BCM Chhipphir North Kohhran chu June ni 26,2019 hian a lo indang dâwn ta a. Kohhran thar hi Rev.F.Ramdinmawia, General Secretary, BCM in a hawng ang. BCM Chhipphir North indang tharah hian Kohhran member 250 an awm ang a, BCM Chhipphir hi member 444 an la ni ang.

AGS Misson-in Seminar hmanpui dawn:

June 22,2019 (Inrinni) hian Hnahthial S. Pastor Bial huap Mission Seminar, Hnahthial Model Kohhranah neih a ni dawn a. Resourse Person-ah Rev. Dr,. C. Vanlaldika, AGS a ni ang.

 

CMC Vellore Council Meeting-ah:

Rev.R.Lalbiakliana, AGS i.c Service leh Upa Dr, Lalramzauva, Superintendent, Christian Hospital te chu June 27,2019-a Christian Medical College, Vellore-ah Council Meeting-a tel turin karleh hian Lunglei an chhuahsan ang.

 

MBKHP OB te S.Vanlaiphai bialah:
June ni 23, 2019 Pathian ni hmang hian Mizoram Baptist Kohhran Hmeichhe Pâwl Office Bearers chuan 2021-a MBKHP Inkhâwmpui dâwl chungchângah South Vanlaiphai Pastor bial an tlawh dawn a, Inrinni-ah chhuakin Thawhtan lamah an haw leha ng. S. Vanlaiphai Bial hian kum 2021 ah MBKHP Inkhawmpui chu S.Vanlaiphaiah an dawl dawn a, inbuatsaihna hrang hrang kalpui tan a ni.


Pastor Bial huap zai kûtpui:

June ni 22-23 chhûng hian Theiriat Pastor Bial chuan Rev. Lalremsiama Ralte, Worship and Music Director Speaker-a hmangin Theiriat Gilgal Biak In-ah Bial huap Zai Kûtpui an hmang dawn a. Zaipawl leh Group zai intihsiakna Bial chhûng Kohhran hrang hrang atangin an nei ang. Inrinni  nilengin intihsiakna hi neih a ni ang.

 

Bial ṬKP Half Year Meet Nei dawn

June 22-23, 2019  hian ṬKP Aizawl East Pastor Bial te chuan BCM Biak In, Saron Aizawlah Bial ṬKP Half Year Meet an nei dawn. He hunah hian Rev. K. Lalbiakenga, Organiser MṬKP chu speaker a ni ang a, thupui atan “Krista hmangaihna” tih a ni ang. Speaker bakah hian MṬKP Executive Committee member 3 ; Pu C. Lalnunthara, Pu LH. Lalhmangaiha leh Tv. PC. Lalbiakdika ten an telpui ang a, Serkawn Pastor Bial Zaipawl te pawn he hun hi an hmanpui bawk ang.

Half year meet-ah hian Praise & Worship hun an hmang tel dawn a, The Leprosy mission Choir ten an kaihruai ang. Tin, Bial ṬKP rorel 2018 in a pass angin Mizo ṭawng humhalh chungchang zirna an nei bawk ang. ṬKP Aizawl East Pastor Bial chhungah hian Unit 6 awmin member 772 an awm mek.

 

BMP Joint Fellowship:

Tunkar Pathian ni hian Bazar Pastor Bial, Lunglei Baptist Mipa Pâwl te chuan Joint Fellowship an nei dawn a. He hunah hian HIV/AIDS leh Drugs chungchânga thu sawi turin Rev. Sangliankhuma Chinzah, Director, Social Concern, BCM chu sâwm a nih angin a hun a hmanpui ang.

 

Bial TKP Meet :

June 21-23, 2019 chhung hian Bazar Pastor Bial TKP chuan BCM Biak In, Venglaiah Bial Meet an nei dawn a, Speaker atan Rev. F. Sangvela hman a ni ang.

 

Mission Convention:

# Farkawn Pastor Bial pawhin June ni 21-23, 2019 chhûng vek hian Bial huap Mission Convention Farkawnah an nei dawn bawk a, Speaker atân Upa HL Liangtluanga, Mission Promoter an hmang thung ang.

 

South Sabual Kohhran thar tlawh:

June ni 16,2019 Pathianni hmang khan Rev.C.Chhuntluanga, Pastoral Coordinator chu South Sabual Kohhran tlawhin a kal a. Upa J.Lawmsanga, Serkawnin a tawiawm bawk. Rev T. Lalsangvunga, Republic Bialtu Pastor leh Rev.Aibula Fanai, Buarpui North bialtu leh bial hruaitu 4 ten an tawiawm bawk a ni. South Sabual kohhran hi December ni 9, 2018-a ding thar an ni a, Kohhran chhungkua 6 awmin member 30 chuang an awm mêk a ni. Biak in hmun hi BCM-in Rs 480,000/- in a leisak a,  in awm sa a ni, chutah chuan an inkhawm rih a ni.

Posted in BCM News.

admin