Hospital Sunday – February 17

 

Christian Hospital, Serkaw

Tun Pathianni, February 17, 2013 hi  Mizoram Baptist Kohhran ni pawimawh, Kristian Hospital Ni a ni a, BCM Biak In tinah he Ni pual hian hun hman a ni ang a, Headquarters atangin hemi ni-a Kohhran tina chhiar tur buatsaih a ni a; chu chu Ni Pawimawh Bu-2013 ah a awm a. Kohhran mipuite hriatah chhiar chhuak theuh turin a beisei a ni.

 

 

Thuchah chhiar tur :

Mizoram Baptist Kohran hian Missionary te hun lai atangin tihdam rawngbawl hna hi kan thawk tan tawh a, Hospital neia rawng kan bawlna pawh kum 80 chuang a ni ve ta. Mizoram chhim lamah phei chuan sorkarin hma a lak hma hauh khan tihdam rawngbawlna hi tan a ni a, kum 1923 khan Hospital hi kan lo nei tan tawh a ni. Kan Lal Isua rawngbawlna kawng hrang hrang, Thuhril, zirtir leh tihdam rawngbawlna chhunzawm chhoh zel hikohhran te tih tur dik tak leh rawngbawlna pawimawh a nih avanga chhunzawm kan ni a, hlawkna um leh sumdawnna rilru pu a Hospital hi nei kan ni lo tih mipuiten kan hriat nawn fo a tul hle.

Tun dinhmunah hian Serkawnah Hospital khum 100 awmna kan nei a, kum 2007 ah khan Lawngtlai ah khum 22 awmna Hospital kan tan ta bawk a, heng Hospital pahnih bakah hian Nursing School GNM zirna Serkawnah kan nei a, kum tin pawl sawmpahnih passed chin student 20 lain kum thum course nurse zirna hi kan kalpui a ni. Tin, nau hnuchham chawmna, Baptist Church Orphanage (BCO) hi kan BCM kalphung tharah Department hranga bet tawh tur a ninaa tunah rih chuan inrelbawlna hrang an la inpeh chhuah loh deuh avangin Medical enkawlna hnuaiah a la awm mek bawk. BCO ah hian naupang 50 thleng enkawl theihna In leh compound tha tak Serkawnah kan nei a, hnuchham naupang, an nuten an tihsan, mi 30 vel bawr kan enkawl reng a ni. Baptist Higher Secondary School (BHSS) nena tang dunin Class XII Medical Laboratory Technique (MLT) zirna pawh kum 2007 atang khan tan a ni a, tun thlengin MLT hi a la kal ve zel a ni.

Medical lam rawngbawlna ah hian sorkar nena thawh ho tulna tam tak a awm a, a bik taka hma lak tulna, ram pumhuap thilah te sorkar kan thawhpui nasa ve hle a, Rualbanlo chhawmdawlna, DDRC te, Mother NGO te leh HIV/AIDS venna kawnga thawh naah te sorkar n en kan thawk ho reng bawk a ni.

Tun dinhmun ah hian Doctor 14 leh thawktu dang 130 zet ten he department ah hian rawng kan bawl mek a ni.

Medical lamah hian khawvelah hmasawnna a kal chak em em a, hriatna thar, khawl leh hmanraw thar a chhuak chak a, awmze neia rawngbawl thei tur chuan chak taka ke kan pen ve pawh a tul hle a, kohhran Hospital tan chuan englai mahin sum tam tham kan nei thei lova, sum leh pail amah tanpui kan ngai reng tih kohhran mipuiten hria i la, kan sawi tak angin Private Hospital angin sum hmuh tum hrim hrim a thawk kan nih loh avnagin damlo harsa leh awm man nei lo pawh hnar lovin kan enkawl thin a, kan charge chi hrang hrang pawh hia hniam thei ang ber a siam a nih avanign sum lamah indaih tawk a harsa hle a ni. Kohhran mipuite tawngtai leh thilpekin i tang zel ang u.

……………………

Related Article:

Chanchin Tha leh Hospital Rawngbawlna  by Dr. Lalramzauva, Medical Superintendent.

Posted in BCM News.

admin