Vawiinah Committee Meeting pawimawh pahnih nei

BCM Hqrs.Office

August 9, 2019: Serkawn:

Vawiin, August 9,2019 khan Mizoram Baptist Kohhran, Social Concern Department Committee Meeting, Spa Upa leh Pu Buanga Hall, Serkawn-ah neih a ni a. Meeting hi Rev. R. Lalbiakliana, AGS i/c Service-in kaihruaiin Rev. Sangliankhuma Chinzah, Director, Social Concern Department-in report tlangpui a pe.

Tuntum Meeting-ah Nauhnuchham enkawlna In (Baptist Church Orphanage,) atana Central sorkar tanpuina a hmuh thin thawktute hlawh hun rei tak an rawn pek tak loh leh tawp ta chungchang ngaihtuah a ni a. kumin Financial Year 2019-2020 chhung atan heng thawktute hlawh hi BCM Budget atanga pek ni sela, hemi atana sum ngai zat cheng nuai 12 chu BCM Finance Committee-ah dil ni se tih a ni. Social Concern Department Committee-ah hian member 19 an awm a ni.

Tin, Vawiin vek khan BCM Refer Board, member 4 awmna chu thukhawmin BCM hnuaia thawktu mi 3 damlohna avanga inenkawl turin Mizoram pawna kal an dilna chu phalsak an ni bawk. Refer Board-ah hian AGSi/c  Service chu Chairman niin, Medical Superintendent,  General Secretary leh Asst. Medical Superintendent te chu member an ni.

Posted in BCM News.

admin