Vengpui Kohhran, Lawngtlai Centenary

November 2, 2020 khan Lawngtlai-a Kohhran hmasa ber  Vengpui Kohhran Lawngtlai chuan Covid-19 hrileng karah Centenary Monument hawnna leh Centenary Magazine tlangzarhna hun an hmang.

Kumin November 2 hi Lawngtlaia Kohhran hmasa ber  Lawngtlai Vengpui Kohhran kum za (Centenary) tlinna a ni a. Kohhran Centenary lawm tur hian Kohhran hote nasa taka an inbuatsaih laiin Covid-19 hri lêng avanga a lawmna programme engmah buatsaih theih a ni ta lova, Sawrkar phal chin mi 20 aia tam lo ah inkhung in, Bialtu Pastor Rev. Lalṭanpuia Colney te leh Kohhran hruaitu thenkhat te kalkhawm in  Centenary hriatrengna Monument hawnna leh Souvenir – Centenary Magazine tlangzarhna hun hi Rev. R. Lalnunzira, Executive Secretary, Lawngtlai Area-a in a nei a ni.

Lawngtlai Vengpui Kohhran hi November 2, 1920-ah din a ni a, tun dinhmun ah chhungkua 103 awmin member 488 an awm mek a,  Lawngtlai East Pastor Bial-ah awm in, he Kohhran aṭang hian Kohhran dang panga (5) an indang tawh a ni.