Vengpui Kohhran, Zawlpui Biak In sakna tur Appeal siam a ni

March 26, 2021 khan, Mizoram Baptist Kohhran Biak In, Vengpui, Zawlnuam chu luah zui tlak loha a kan chhiat avangin BCM Administrative Committee te chuan hmalak zui dan tur ngaihtuahin  March 29, 2021-khan inrawnkhawm na an nei a. Zawlnuam Biak In kan dan leh an dinhmun te report a pe bawk.

Administrative Committee inrawnkhawm  hian Zawlnuam vengpui Biak In chu a hma thei ang bera sak thuai a nih theih nan Tualchhung Kohhran tinte hnenah tanpuina (Appeal) dil sak ni se, Tanpuina hi a remchan dan angin  April leh May 2021 chungin Aizawl Area leh Lawngtlai Area-a awmte tan Executive Secretary Office-ah thehluh theih a ni ang a, a bak zawng chuan Headquarters Office-ah thehluh ni se tiin an rel a. Tualchhung Kohhran tinte hnenah  ngenna tihchhuah nghal a ni.

Kan tarlan tawh ang khan Mizoram Baptist Kohhran Biak In, Vengpui, Zawlnuam a mi chu March 26, 2021 zing dar 3:00 vel khan luah zui tlak lohvin a kang chhia a, Khawtlang mipui ten theihtawpa thelh tuma an bei chungin thelh mih hleih theih lovin a kang ta a ni. Zawlnuam Vengpui Biak In a kan thu hriat a nih veleh Kohhran hote thlamuan tur leh thil thlen dan te a hmuna enfiah turin General Secretary leh Executive Secretary, Aizawl te bakah Bialtu pastor engemawzatin Zawlnuam hi an pan nghal a. Kohhran hruaitu te hian hnatlang thingpui buatsaihna leh emergrency Relief atan cheng singruk an lo hlan tawh a ni.

Biak In hi Concrete structure niin, a chhung furniture, tukverh leh kawngkhar te a kangfai deuh vek a, Biak In bungrua kang ral zat hi suma chantirin cheng nuai 21 vel niin chhut a ni a, hei bakah hian a bang leh ban kang bang te pawh hi a kan nat em avangin siamthat chi nilovin thiah vek a, a thara din a ngaih dawn thu report dawn a ni.

BCM Zawlnuam, Vengpui hi 1994-a din a ni a, tunah hian chhungkua 42 awm in member 190 an awm mek a ni. Biak In kan hnu-ah March 28, 2021 (Pathianni) zing Inkhawm hunah Kohhran hote chu Biak In kang-ah hian Pathian faka Inkhawmin, Tawngtaihona te an hmang a ni.