Weekend News

Academy of Integrated Christian Studies,(AICS) chuan Vawiin, 23 leh naktuk 24, November 2017 awh hian an zirlaite pualin Seminar Hall-ah Career counseling an buatsaih a. He programme hmingah hian Seminar on Career Counseling for Theological students tih a ni. Hemi atan hian mithiam hrang hrang ten paper present-in conseling hi an kaihruai dawn a ni. Resource Person te – Rev. Dr.K.Thanzauva, Ms Kuki Rokhum, Mr. Jefrey Lalramdina, Prof. Rev. Dr. R. Zolawma, Dr. Lalruatkima, Dr. Andrew Lalhamngaiha, Dr. Daidarhzauva, Er. Laltlankima Hnamler te an ni ang.

MBKHP hruaitute NBBC Inkhâwmpuiah:

November 24-26, 2017 chhûng hian North Bengal Baptist Convention (NBBC) neih a ni dawn a, he inkhâwmpuiah hian MBKHP te hmanpui tûra sâwm an nih angin MBKHP aiawhin Upa C.Remmawii, Rbt.Singpari leh PS Lalhmingthangi te an kal.

Rev.K.Lalbiakenga, International Chin Conference-ah

November 23-26, 2017 chhung hian Lawngtlai AOC Field ah International Chin Christian Youth Conference neih a ni dawn a. He Inkhawmpui-ah hian Rev. K. Lalbiakenga, Organiser PAC (Social Concern) chu resource person pakhat niin a hmanpui ang a, Inkhawmpui palai tur hian BCM te an sawm angina BCM ai a awh nghal ang. Lawngtlai lama TKP member te pawh tel tura sawm an ni bawk.

Bawngkawn Brigate Biak In hawn a ni ta:

Harsatna hrang hrang an tawh avânga hun rei tak inkhâwm theih lohva awm chu November ni 19, 2017 Pathianni khan hawn a ni ve leh ta. Lalpan a ropui nân hmang zêl se, Kohhranhoten tawngtaipui zêl ang u.

Rualbanlote Ni hmang dawn

Tunkar Pathianni, November 26 hi Mizoram Baptist Kohhran Ni Pawimawh (Special Sunday) – “Rualbanlote Ni” a ni a. Hemi ni pual hian Mizoram Baptist Kohhran tinah Pathianni Chawhma Inkhawm hun hman a ni ang. Kumin Rualbanlote Ni thupui-chu “Chhuak la lamlianah te, daiah te kal la, ka in khah nân mi han thlêm lût hrâm rawh” (Luka 14:23)  tih a ni ang… Read More>>

Assembly Committee ten Meeting nei chho mek mek

Mizoram Baptist Kohhran hnuaia Department Committee hrang hrang ten October thla atang khan Committee meeting an nei chho a. Department te an in zial fel hnu-ah Assembly Committee lian pathum – Mission, Service  leh Central Committee te chuan tunlai hian Sap Upa leh Pu Buanga Hall, Serkawn-ah Meeting an nei velh mek bawk. November 21, 2017 khan Mission Committee meeting neiin nikhatah an zo fel thei a, vawiin, November 23 hian Service Committee thukhawm lehin karlehah November 28-30 hian Central Committee leh Nomination Committee te an thukhawm leh ang… Read More>>

Mission news:

Mission Field tâna thilpêk:

#Lunglei Chanmari Kohhran Mission Committe-te chuan Mission Field hrang hrangah rawngbâwlna pawimawh tak tak nei tawhin, November thla hian Mission Field pali-a Biak In sa mêk, chhunzawm thei tawh lo 3 leh Biak in la nei lo hmalâkna atânte sum fai thahnem tak  BCM Headquarters Office-ah an pe. Thilpêk hmanga Mission Field-a rawngbâwlna kal lai chhunzawm theia kan rawngbâwlna kal lai a awm avâng hian a dawngtu Mission Field lam leh Mission lam changtute an lâwm hle.

#BKHP New Serchhip Unit te chuan kumin ruahtui tlak nasat avanga Home Mission a chhiat tawk a hnuaia tarlante hnenah hian Rs. 5,200.00 theuh țanpuina (A vaiin Rs. 20,800.00) Headquarter kaltlangin an pe a ni:-

1) Tuichawng School hmun leimin.

2) Zawlpui Area a Quarter leh Biak In tuilianin a tih chhiat.

3) Belpei a Mission Staff Quarter tuiin a chim.

4) Chawngte a BBS compound tuilianin a chim.]

Tripura Mission Field tlawh

TKP New Serchhip Unit member 13 te chu Bialtu Pastor Rev. K.Vanlalmuana ho in November 23-26, 2017 hian BCM Hezamara, Tripura Field tlawh in an feh chhuak. Missionary Pu C. Lalnunsiama ruahmanna angin hetiang hian hun an hmang ang:-

a) 24/11/17 (zan) leh 26/11/17 (Sun) zing hi Hezamara kohhran ah hun an hmang ang.

b) 25/11/17 (Saturday) chhun ah Hezamara kohhran biakin sak lai ah hnatlang an nei ang a, Zan ah Borgatha kohhran ah hun an hmang ang.

c) 26/11/17 (Sunday) zan hi Hasingkhor kohhran ah hun an hmang bawk ang.

Tin, Hezamara kohhran Biak In sak țanpui nan hian BCM New Serchhip kohhran in Rs 5000/- leh BKHP New Serchhip Unit ten Rs 10000/- an pe bawk.

Inverter leisak:

Serkawn Tualchhûng Kohhran, Mission Committee-te chuan Chawngte-a Non- Mizo Fellowship ten an hmalâk kal mêk atân an mamawh êm êm P.A. Set leh Inverter tha tak mai an leisak a, Chawngte-Non Mizo Christian Fellowship te an lawm hle.

Work Camp dân dangin:

Lawngtlai Nazareth Kohhran chuan Namlianga Missionary quarters sa  tûrin mahni ngei kalin work camp neih an tum a, nimahsela, ngun taka an ngaihtuahin hmun hla taka kal aiin a sum fai hian thawk zâwk ila tiin thu tlukna an siam ta a. Mahni ngei work camp-a kal ta lo chuan sum fai thanem takin quarters sakna atân chuan an pe ta zâwk a ni. Field lama thawktuten an inpêkna ropui an tiin an lâwm hle.

Baptisma chang thar:

Kar kal ta Pathianni khan Cchakma Baptist Church, Chawilungah ringthar Baptisma chang 3 an awm a, Tipperagath-ah 3 an awm bawk a, Moidhyasora-ah 2 an awm. Hêng hmun hrang hrang Pathumah hian Baptisma chantîr an ni a. Tihian Chakma Mission-a ringthar neih zat chu 114 a ni ta a ni.

Evangelism Programme:

#Kar hmasa chhung khan BCM Bazar, Hnahthialah Camping chhâwng thumna neih chhunzawm zêl a ni a. Speaker, Rbt. PL Sanglura, Invaders for God Team.

#November ni 18 atang khan BCM Tlabung, Zodinah Camping neih a ni a, Speaker, F.Lalrinawma, Kraws Sipai Team.

# November ni 27,2017 atangin Bualpui ‘Ng’-ah Isua Krista Kohhran buatsaihin Camping neih a ni dawn. Speaker Upa T.Lalengzauva, Revival Team.

#November 27, 2017 atangin Phairuangkai  khawtlang huapin Camping neih a ni dawn a, Kohhran hrang hrangten lungrual takin Joint Committee te neiin hma an la mek a ni. Speaker, Upa Zothankhuma Hrahsel, Evangelistic Team Mizoram.

#BCM Model, Hnahthialah Camping neih mêk a ni a, kâr lehah pawh chhunzawm zêl a ni ang. Speaker, Upa RL Thianghlima, Mizoram Evangelical Ministry.

Posted in BCM News.

Leave a Reply

Your email address will not be published. Required fields are marked *