Weekend News(Brief)

BCM Committee Meeting pawimawh nei chho mek:

Committee Calendar lama târlan loh BCM Property Committee November ni 8, 2017 khan meeting neih a ni a. Tin, November ni 9 khan Administrative Committee meeting  neih a ni bawk. Assembly 2018 atâna inbuatsaihna neih chhoh a lo hun leh dâwn ta a, November leh December thla chhung hian Department tinin Assembly Executive January 2018 leh Assembly, March  2018 atana Agenda, Budget leh Planning te peih hman vek tur a nih avangin Committee a kal chho leh char char dawn a ni. Ahnuaia tarlan ang hian Committee Meeting pawimawh hrang htang hmabakah neih chhoh leh a ni ang:-

Date Day Committee 
8-November Wednesday Property Committee
15-November Wednesday Pastoral Committee
16-November Thursday Pastoral Committee
21-November Tuesday Mission Committee
22-November Wednesday Mission Committee
23-November Thursday Service Committee
24-November Friday Service Committee
28-November Tuesday Central Committee
29-November Wednesday Central Committee
30-November Thursday Nomination Committee
7-December Thursday Finance Committee
8-December Friday Finance Committee

CBC Assembly hmang:

Chakma Baptist Church (CBC) Assembly chu November ni 9-12, 2017 chhûng hian Marpara S-ah neih a ni. Pathianni zing inkhâwmah Pastor Ordination Programme hman a ni. Presiding Minister-ah Rev.Dr.C.Vanlaldika, AGS, i/c Mission hman a ni.  CBC Assembly-ah hian Agenda 17 awmin hêng atang hian Agenda 12 chu Assembly Executive Committee atanga thu lût a ni. Tin, CBC hian nasa takin hma a sâwn a, chûng zîngah chuan Hmeichhe Pâwl (BMMD) hi a ni. Anni hi kum 2 leka upa niin Unit 45 din a ni tawh a. kumin 2017 chhûng hian unit 10 din thar a ni. CBC-ah hian Pastor Bial 6 awmin BMMD hi Bial 5 -ah din a ni tawh a ni.

Mizoram BMP Meet-Zanin atangin

Baptist Mipa Pawl (BMP) Mizoram pum huap intawhkhawmna (Mizoram BMP Meet) chu, zanin, (November 10-12, 2017) atang hian Zobawk ‘S’ Pastor Bialin Zobawk Play ground-ah neih tan a ni dawn ta. Mizoram hmun hrang hreang atangin BMP member an lo kal khawm mek a, Zobawk ‘S’ Pastor Bial Kohhran te pawh nasa taka inpuahchahin phur takin mikhual an lo dawngsawng a ni. Sawi tawh ang khan kumin BMP Meet thupui atan “Tunlai khawvela Pate mawhphurhna” (Rom:13:11) hman a ni ang.>> Read More

Social Workers Meet

Vawi, November 10, 2017 (Zirtawpni) chawhma dar 11:00 atang khan Mizoram Baptist Kohhran, Social Concern Department buatsaihin Sap Upa leh Pu Buanga Hall, Serkawn-ah Social Workers Meet neih a ni a. Lunglei khawpui chhunga Rehabilitation Centre leh Homes hrang hrang atangin aiawh kal khawmin Chhawmdawl rawngbawlna hna thawh dan tur dik leh hlawk zawka rawngbawl dan tur an zir ho a ni… Read more

Work Camp: 

Ramzotlang Kohhran, member 14 te chu BBC Damparêngpuiah Staff Quarter sa-a Work Camp nei tûrin an kal. naktuk, Inrinni hian an lo haw leh ang.

Mission Convention:

November ni 10-12, 2017 chhungin BCM Mual\huam South- convention programme hman a ni. Speaker, Upa HL Liantluanga, Mission Promoter.

Akyab lam thu thar:

Akyab lama rawngbawlnaah ring thar an awm ve tan ta. Ni 5.11.2017 atangin Field Director Inah inkhawm an nei ve tan ta. Hemi bakah hian khaw 4-ah member tlem te te ten inkhawmna hmun an nei bawk. Pathianin rem a tih chuan a vawihnihna atan ni 19.11.2017 hian mi 10-in Baptisma an chang leh dawn a ni.


Evangelism Programme:

#November ni 4, 2017 atang khan Hnahthial khaw pum huapin tawngtaina tlângah Special Camp neih a ni a, hemi hnu hian BCM Hnahthial Bazar-ah kohhran pum huap camping neih chhunzawm nghâl a ni. Speaker, Rbt PL Sanglura, Invader for God Team.

#Zonuam Kohhran-ah November 11,2017-ah KNP lang Camp neih a ni a, ni 13 atangin Upa leh Rawngbawltu pual camp neih leh a ni ang. Speaker, Upa F.Lalnuntluanga, Gospel for All Team.

#Gilgal Kohhran, Theiriat-ah November ni 4,2017 atang khan rawngbawlna neih tan a ni a, Fellowship pualin Camping neih a ni. Speaker, Upa C.Tlangmawia, Mizoram for Christ Team.

#Tlabung Kohhran-ah BMP pual Camping neih hnuin BCM Vanbawngah November ni 11-27 chhung Camping neih leh a ni ang. Speaker, Upa K.Lawmsanga, Ambassador for Christ Team.

#Luangmual Kohhran Azl-ah November ni 6 atangin Camping neih a ni. Speaker Upa Lalhuliana Chhangte, Gospel herald Team.

#Venglai Kohhran-ah November 4-19 chhungin Camping neih a ni. Speaker, Lalhriatpuia Chawngthu, Horeb Ministry.

Posted in BCM News.

Leave a Reply

Your email address will not be published. Required fields are marked *