Weekend Programme

Lawngtlai Area Media Ministry hruaitu thar

Tukin, June 16.6.2017 khan Jh.Lorrain Hall, Lawngtlai Bazar-ah Lawngtlai Area Media Ministry hruaitu thlanna neih a ni a. Hengte hi Kum 2017-19 atan hruaitu thlanchhuah te an ni.

Chairman : Pu Remlalnghaka

Secretary : Pu B.Lalchungnunga

Treasurer : Rbt.Elvis Lalthangzuala

Heng bakah hian member pasarih an awm bawk.

Lawngtlai Area Media Ministry hian Lawngtlai Area chhunga BCM programme hrang hrangte Video Coverage an ti thin a. Heng Video te hi BCM Hqrs Audio & Visual ah a thawn phei thin a. Chungte chu BCM channel ah te pekchhuah thin a ni.

Upa leh Rawngbawltu nupui pual Retreat:

Tunkar Inrinni, June 17, 2017 khian Serkawn Pastor Bial BKHP buatsaihin Ramzotlangah Kohhran Upa leh Rawngbawltu Nupui te pualin Retreat neih a ni dawn a. Speaker-ah Rev. F. Sangvela hman a ni ang.

Leadership Training cum Zaikutpui:

June 9-11, 2017 chhûng khan Tawipui Pastor Bial TKP chuan Tawipui Kohhran Biak Inah Leadership Training leh Zaikûtpui an nei a. Rev Lianchhûnga Khiangte, MTKP Organiser chu Speaker & Resource person niin MTKP hruaitu thenkhatin an tawiawm bawk.

Biak In Lungphum phum:

Inrinni hmasa, June 10,2017 khan Rev. Dr. K. Lalrinthanga, Executive Secretary, (Aizawl Area) chuan BCM Elim Chhiahtlang Biak inhmunah Biak In sakna tur Lungphum a phum.

Evangelism Programme:

# BCM Zotlang (Lunglei) chuan Gospel Messengers Team (Speaker Upa B. Lalthanliana) te hmangin June thla chhûng hian Camp leh Crusade an nei mek.

# BCM Vaivakawn Kohhran chuan Gospel For All Team (Speaker UpaF. Lalnuntluanga)-te nen Upa leh rawngbawltu pual, BMP leh BKHP pual, TKP hruaitu pual-a Retreat an neih zawh hnu-ah June 13,2017 atang khan Vântlâng Camp-in an chhunzawm leh mek bawk.

Posted in BCM News.

Leave a Reply

Your email address will not be published. Required fields are marked *