Weekend Programme

President leh GS Champhaiah: 

BCM President Rev H. Lianngaia leh General Secretary Rev. F. Ramdinmawia te chu tun weekend hmang hian Chmphai-ah Kohhran te tlawh tur leh Sacramental Wine Improvement chungchang te sawipui turin an kal dawn a. Pathianni-ah Kohhran hrang rhang te tlawhin Kohhran hruaitute nen inkawmhona te an nei ang a, Thawhtan-ah an lo let leh ang.

MBKHP Programme:

September ni 26-27 chhung khan Zawlpui bial BKHP Seminar neih a ni a, MBKHP hruaitu lam atangin Pi H. Lalkimi, Pi T. Lalchhingpuii leh Pi Lalawmpuii ten an hmanpui.

Biak In hawng dawn

September ni 3 Pathianni khian Birsingjote Church, Bagdogra, Bengal Field-a Biak In sak thar chu Rev. LB Khawpuimawia, Director, Communications chuan a hawng dawn a. Director hi Pu Vanlalruata Kawlni, AV Manager-in a tawiawm ang. Hemi zawh hian Guwahati-ah BCM Calendar leh Diary 2018 an siamtir nghal bawk ang.

Mission News

# BCM. Salem-te chuan Rev.Dr.C.Vanlaldika AGS Mission Speaker-a hmangin September 2&3, 2017 hmang hian Mission Convention an nei.

# BCM.Venghlun chuan Upa HL.Liantluanga Speaker-a hmangin September 1 – 3, 2017 chhûng hian Mission Convention an nei bawk.

Thu leh Hla Kûtpui

August ni 26-27 khan BCM Biak In Kanan Aizawlah Zotlang Pastor Bial (Azl) chuan Thu leh Hla Kûtpui an hmang. Bible Quiz, Zaipawl leh

Solo-ah intihsiakna an nei. Speaker Rev. Lalbiaksanga Chinzah.

Talk Show on Human Trafficking&Drugs Abuse

August 29, 2017 Zan khan ȚKP New Serchhip Unit te chuan MȚKP thurel bawhzuina atan ‘Talk Show On Campaign Against Human Trafficking & Drug Abuse’ an buatsaih.

Talk Show hi BCM New Serchhip Hall ah buatsaih niin Local News Cable Operator pahnihin an cover a ni. He hun hi Moderator Dr. Zarzosanga’n kaihruaiin, Upa C. Lalchhandama (Sr. Adviser, Unit ȚKP) in hunserh a hmang. Show chhimtu ten tha an tiin hlawkthlak an ti hle.

 

Posted in BCM News.

Leave a Reply

Your email address will not be published. Required fields are marked *