Weekend Programme

Leadership Seminar.
May 11-13, 2018 hian Khawruhlian Bial huapin BCM Sawleng Biak Inah Kohhran Humhalh leh Tihmasawn tih thupui hmangin Leadership Seminar neih a ni dawn a, Rev. V. Vanlalchhunga, Pastoral Coordinator leh Upa F. Aihnuna, Ramhlun ‘N’ ten an hmanpui ang. Pastor Bial chhung kohhran hrang hrangah rawngbâwlna hun an hmang bawk ang.

Mission Convention:

# May 11-13, 2018 chhung hian BCM Lawngtlai East Pastor Bial te chuan BCM Biak In, Lawngtlai Bazar-ah Mission Convention an nei dawn a. Thupui atan ‘Dak ulang, lote en rawh u’ (John 4:35) ani ang a. Speaker atan Rev Dr.C.Vanlaldika, AGS i/C Mission. BCM ani ang.

#Hemi hun chhung vek hian Mizoram baptist Kohhran, Kanaan, Lunglei pawhin Upa R. Lalbiakmuana, Asst.Account Officer, BCM Speaker-a hmangin Mission Convention an hmang bawk ang.

Sunday School Trainers’ Training:

May ni 11, 2018 hian Sunday School Trainers Training, Sap Upa leh Pu BUang Hall, Serkawn-ah nei a ni dawn a, Resource Person atan Rev. Pc Liandula, Director CED, Rev.K.Lalbiakenga, Upa R. Malsawma leh Upa Saihmingliana te an ni ang. He hunah hian Christian education Department hnuaia Sunday School Trainers te hmun hrang hrang atangin an lo kal dawn a ni.

KNP Inkhawmpui:

# Electric Pastor Bial, Lunglei chuan May ni 12-13,2018 chhung hian  ‘Isua Naupangte thian’ tih thupui hmangin Gosen Biak Inah KNP inkhawmpui an nei dawn a. Speaker Rev. JC Vanlalluaia, Bialtu Pastor.

#Serkawn Pastor Bial KNP  pawhin May ni 12-13 chhung bawk hian Ramzotlang Biak Inah KNP Inkhawmpui an nei dawn a. Speaker Rbt.PL Sanglura(Invaders for God) niin, Thupui ‘Nun Kawng Dik’ tih an hmang thung ang.

Chanchin Tha beihpui thlâk.

Tripura Field-a Khumulwng (Khumulawng) Circle chhûnga Ringtute leh Missionary te, an vaiin mi 60 vêl zet-in May Ni.11 -13 chhung hian Salka Sikambuk (Salkasikambuk) khua/Area-ah thuhril rawngbâwlna beihpui an thlak mek a, hlawh tling taka hun an hman beisei a ni. Ringthar an pun zêl theih nân tawngtaipui zêl ang u.

Gamagur, Tripura-ah Camping:

Lunglawn East Kohhran chuan Upa RK Vanlalruala Speaker -a hmangin Gamagur, Tripura-ah May 7-13, 2018 chhung hian Camping an neihpui mek a. Speaker bakah Lunglawn East Kohhran atangin nmember 8 an kal. He Camping atân hian Lunglawn East kohhran hian chêng Nuai khat leh singnga (150,000) a ruahman a ni.

Arunachal Far East tlawh:

Bazar Pastor Bial, Lunglei Bial Executive aiawh 3, Tualchhung Kohhran aiawh 3 theuh, Bial Media Committee aiawh 1, an vaiin mi 16 te chu Arunachal Far East Field-ah an fehchhuak mek a. An Programme anga an kal chuan tunkar Inriini (May 12,2018) hian Lunglei lo thleng leh hman tura beisei an ni.

Headquarters tlawh dawn
Khawzawl Pastor Bial Kohhran member 20 te chuan May 11-13, 2018 chhûng hian BCM hmunpui (Head Quarters) leh Lunglei khaw chhunga Kohhran hrang hrang te rawn hmelhriata hmu turin an rawn kal dawn a, an kal man leh thlenna te, an haw lehna thlengin Lunglei Chanmari  Kohhranin an tum sak a ni. Pathianni-ah Chanmari Kohhran-ah hun an hmang ang.

Posted in BCM News.

admin