Weekend Programme

Rev. PC Liandula, President:

Vairengte Pastor Bial Upa & Rawngbawltu Seminar leh Retreat May 10-12 hian Vairengte-ah a neihpui ang. Hnahthial South pastor Bial Zaipawlten an tawiawm ang.

Rev. F. Ramdinmawia, General Secrcetary:

Siaha Town Church Silver Jubilee, May 7-8, 2019 -a an lawmnaah khuallian niin lungphun a hawng a, A lawmna hun pui ber (Main celebration) May 8-ah neih niin thuchah a sawi bawk. GS hi nimin, May 9 khan Siaha atanga lo hawin vawiin-ah  (Conregrational Church of India (Maraland)(CCIM) hotute nen BCM Office, GS Chamber-ah inkawmhona an nei.

Rev. R. Lalbiakliana: AGS i/c Service:

Tunkar Inrinni, May 11,2019 hian Theiriat Pastor Bial Upa leh rawngbawltu Retreat/Seminar, BCM Theiriat-ah a neihpui ang a, Pathianni-ah Ramzoztlang Kohhranah hun a hmang leh ang.

Rev.Dr.C.Vanlaldika

Rev. Dr.C.Vanlaldika, AGS i/c Mission

May 5, 2019 khan Assembly thurel bawhzuiin Rev.Dr.C.Vanlaldika, AGSi/c Mission chuan Memorandum of understanding (MoU) chu Assam Baptist Union leh Sadya Dibru Baptist Association-te a ziah felpui hnu-ah BCM Field Director’s Meet Guwahati-ah kovin inkawmhona hun a siam sak bawk. Pu Dika nupui Pi Malsawmi Guwahati-ah a hnar thi thin entir nghalin Downtown Hospital-ah zai a ni a, tunah hian damdawiinah a awm mek bawk a ni.

Rev. R. Lalthangliana, Mission Coordinator:

M. Kawnpui-ah Lawngtlai E.S Rev. R. Lalnunzira leh Upa HL Liantluanga, Mission Promoter nen Mission School tlawhin an thang mek a, vawiin hian lo haw leh hman an inbeisei.

 

 

Rev. K. Lalbiakenga, MTKP Organiser

Theiriat Pastor Bial TKP huapin May 12, Pathianni chawhnu hian ‘Nun Thianghlim’ tih thupuia hmangin BCM Theiriat -ah Seminar a neihpui ang.

SIMNEI Meetingah BCM aiawh:

Serving in Mission, North East India (SIMNEI) Meeting Shillong-a May ni 8-a neihah BCM Mission Dept. aiawhin Rev.R.Lalrintluanga, Shillong Bialtu pastor chu a tel.

Mission Convention:

#BCM Hermon, Theiriat chuan May ni 10-12 chhûng hian Mission Convention an nei a, Speaker atân Rev.LB Khawpuimawia, Mission Vengthlang Bialtu Pastor an hmang ang. Speaker hi Upa K. Sanglura leh Upa S. Thanthuama, Shalom ten an tawiawm.

#Haulawng Pastor Bial chuan May ni 11-12 chhûng hian “‘Lo chu khawvêl a ni’ tih thupui hmangin Mission Convention cum Mission Consultation. Bethel Biak, Haulawng-ah an nei dawn a. Upa H.L Liantluanga, Mission Promoter chu Speaker a ni ang.

Bial TKP Meet

Thingsai Pasgtor Bial TKP chuan an bialtu Pastor, Rev. F. Ngursailova  Speaker-a hmangin May 10-12, 2019 chhung hian Gilgal Kohhran, Thingsaiah Bial TKP Meet an nei dawn a, Meet thupui-ah “Tho la Eng rawh” I(Isaia 60:1) tih a ni ang.

Work Camp:

#ṬKP Rahsiveng Unit, Lunglei te chuan Huto English School, Arunachal ah Work Camp nei turin May 7, 2019 khan Lunglei an chhuahsan a, Member 25 an kal a ni. ṬKP Rahsiveng Unit te hian Work Camp mai bakah Adi Baptist Union 36th Annual Youth Conference, Ninglok Baptist Church a neih tur an hmanpui bawk dawn a ni.

#Serkawn Kohhran pawhin May 13-018 chhung hian Tuikawi-ah Work Camp nei turin an inbuatsaih mek a, member 20 vel kal turin an in ruahman. Tuikawi-ah hian Thawktu Quarters, thun hnaia thli leh rialin a tih chhiat sak te an zu siam tha dawn a ni.

Sunday School Tleirawl pawl Meet:

Rahsiveng Pastor Bial, Sunday School Committee bultumin May 10-12, 2019 chhung hian BCM Biak In, Rahsiveng ah “Tunlai khawvel leh tleirawlte” tih thupui hmangin  Junior, Baptisma, Intermediate leh Senior-A  zitrlai pualin Meet a buatsaih dawn a, Speaker ah C. Lalhmachhuana, A/V Manager a ni ang. He Meet thupui atan hian tih a ni ang.

KNP Inkhawmpui:

#Aizawl East Pastor Bial chuan May 11 & 12 2019 chhung hian Rev. Malsawmzuala, AICS Speaker-a hmangin  Bial KNP Inkhawmpui vawi 19-na  Electric veng Biak In,  Aizawlah an nei dawn a, Thupuiah ‘I nu leh I pa chawimawi rawh‘ ( Ephesi 6:2)   tih chu an hmang ang.  Inrinni leh Pathianni nilengin programme siam a ni a, Mizoram Baptist Kohhran Thurin puanchhuah thenkhat te, Lengkhawm zai, Solfa leh Thuvawn hmanga intihsiakna neih a ni ang. Aizawl East Pastor Bial huam chhungah hian Unit 6 awmin; Armed veng South Unit, Bethani Unit, Chanmari Unit, Electric Unit, Ramthar North Unit leh Saron Unit te an ni.

#Chanmari Pastor Bial  pawhin May 11 & 12 chhung tho hian KNP Inkhawmpui vawi 7-na chu BCM Zion, Lungleiah neih  a ni dawn a, Speaker-ah Pi B. Singpari, Sunday School Promoter niin thupuiah ” I Pathian tawk turin inpeih rawh” (Amosa 4:12)tih hman a ni ang.

Bial BKHP Crusade :

Thenzawl Pastor Bial BKHP chuan May ni 10-12 chhûng hian BCM Ramlaituiah Crusade an nei a. Speaker atân Rev.F.Sangvela an hmang.

Posted in BCM News.

admin