Weekend Programme

Gosen Kohhran leh Biak In thar President-in a hawng

President-in Kohhran thar leh Biak In thar hawng

May 7, 2019 (Zirtawpni) chawhma dar 10:30 khan  Thenzawl – Tualvungi vêngah Thenzawl Pastor Bial Kohhran 5-na atân BCM GOSEN Kohhran chu Rev. PC. Liandula, President, BCM in a hawng ta. Kohhran thar hawn rual hian Biak In thar an luah tur chu a hawng nghal bawk.  He Kohhran hawn thar, BCM Gosen-ah hian Chhungkaw 24 awmin Member 95 an awm a ni.

 

MBKHP hruaituten Silver Jubilee hmangpui

Mamit Unit BKHP Silver Jubilee-ah Organiser

Baptist Kohhran Hmeichhe Pawl, Mamit Unit chuan Jun 5,2019 khan an din champhaphak vawi 25-na (Silver Jubilee) an lawm a. He hun hmanpui hian MBKHP hruaitute – Nl Lahmingmawii Chawngthu, Organiser hovin Executive Committee member pahnih – Pi C. Zonunsangi leh Pi F. Lalawmpuii ten an hmanpui.

 

 

 

Bial huap Zaikutpui:

Aizawl Zotlang Pastor Bial Worship & Music Committee buatsaihin tunkar Inrinni zan atanga tannin Pathianni zan thleng hian Zaikutpui, Kanaan Biak-inah an nei dawn a. Bial chhung Kohhran tin atangin Kohhran Zaipawl bakah BMP leh BKHP Combine Lengkhawm zai leh KNP (Kum 8 hnuai lam) tan Solo intihsiakna an nei nghal ang.

Inrinni zanah Solo Competition leh Special Items hrang hrang a awm ang a, Pathianni ah Pathian Biak Inkhawm (Sermon) bakah Kohhran Zaipawl intihsiakin a zui ang a, Pathianni chawhnuah Lengkhawm zai leh Solo Top ten te inelna chhunzawm leh a ni ang a, Pathianni zanah lawman semna neih a ni ang.

Bial Worship & Music Committee chuan chuan Zaipawl leh Lengkhawm zai intihsiakna hi Kristioan Hlabu-a Pathian fakna hla thiam tam tura hma lakna atan a ruahman a ni a, Hla 20 a thlan chhuah zinga an duh ber an sa dawn a ni.

He Zaikutpui-ah hain Rev. B. Lalramhluna, Bialtu pastor leh Upa C. Lalhmahruaia, Chairman Bial W&M Committee te Speaker niin Thuchah an in sawichhawk ang.

 

JBS Staff & Students 2019

JBS Awareness Campaign:

June 9, 2019 Pathianni hmang hian Jubilee Bible School chuan JBS awareness Campaign an nei leh dawn a. Tuntumah hian Hrangchalkawn Pastor bialah Hrangchalkawn kohhran leh Lungpuizawl te, Zobawk South bialah Horeb kohhran te, Zobawk North bialah Zobawk Trinity kohhran leh Bazar kohhranah te hun an hmang ang. JBS feh chhuak tutrte hi group 5-ah inthenin heng Kohhran pangaah hian an insem darh dawn a ni. He Campaign-a fehchhuak turte hi  zirtirtu 5 leh zirlai 30 an ni ang.

 

Mission Convention:

June Ni 7-9,2019 chhûngin BCM Khawhriah Mission convention neih a ni a, Speaker atân Upa HL Liantluanga, Mission Promoter chu hman a ni.

 

KNP Hruaitu Leadership Training:

June ni 8,2019 (Inrinni) hian Lunglei khawpui chhung Pastor Bial 18-a Kristian Naupang Pawl(KNP) hruaitute pualin BCM Venglai Biak Inah Leadership Training an nei dawn a. He Training-ah hian Resource Person atan Dr. Irene Colbert leh F.Lalruatpuii, Counselor, BCO hman an ni ang. KNP Promoter, Pi PS Lalhmingthangi’n he hun hi hmanpui bawk ang.

 

Sunday School Training:

#Hauruang Pastor Bial Sunday School Training June 8, 2019 hian Immanuel Baptist Church, Hauruangah neih a ni dawn a. He hun hmanpui tur leh resource person turin Rev. ZD Rodingliana, Director, Christian education Department leh Upa J. Lawmsanga, Serkawn te an kal ang.

#Phuldungsei Pastor Bial chuan June 8-9 chhung hian Sunday School zirtirtu Seminar cum Traning chu BCM Biak In, Vengtharah an nei dawn a. He hun hmanpui tur leh resource person tur hian Headquarters a\angin Pi B.Singpari, SS Promoter leh Upa M.Thansiama, SS Trainer te an kal ang.

#Saitual Pastor Bial  chuan pawhin tunkar Inrinni, June 8 vek hian Sunday School Zirtirtu training an nei bawk dawn a, Resource Person atân Rev. K Lalmuanpuia, Bialtu Pastor hman a ni ang.

 

Bial TKP Meet:

Buarpui Pastor Bial Thlai Kristian Pawl te chuan June 7-9 chhung hian Bungtlang West-ah “Thuawihna” tih thupui hmangin Bial TKP Meet an nei dawn a. He Meet hmanpui tur hian MTKP Organiser Rev. K. Lalbiakenga leh MTKP Asst.Secretary Pu K. Lalawmpuia te an kal.

 

Thuampui Kohhran tlawh:

Republic vengthlang Pastor Bial BMP chuan Bial inkhâwmpuiin a lo rêl angin Bial pâwn tlawh programme an hmang dawn a. Tunkar Pathianni (June 9, 2019) hmang hian |huampui kohhran an tlawh dawn a ni. Pathianni zing leh zan hun hmangin chawhnu fellowship hun an nei bawk a ni.

Posted in BCM News.

admin