Weekend Programme

General Secretary-Thingsai-ah

Rev. F. Ramdinmawia, G.S

BCM general Secretary, Rev. F. Ramdinmawia chu June 14 hian Thingsai-ah chhovin June 15 (Inrinni)-a lo haw leh turin a kal dawn a. Thingsaiah hian  Mizoram BMP Meet 2020 Organising Committee ten en inkawmhona neiin, Mizoram BMP Meet inbuatsaihna leh thil tul hrang hrang te an thlir ho dawn a ni. General Secretary hi Pu B. Malsawmkima, FOD Clerk  leh A.V Worker Tv. Pc Lalrinmawia-a ten an tawiawm ang.

MBKHP hruaitute Kolasib-ah:

Mizoram Baptist Kohhran Hmeichhe Pawl (MBKHP) rorelna-in a rel angin MBKHP hruaituten Bial BKHP tlawh chhuah Programme an hman chhunzawm zel a. Tun Pathianni (June 16) hmang hian Kolasib Pastor Bial BKHP te tlawh turin MBKHP Organiser,  Nl. Lalhminghmawii Chongthu hovin Pi T. Lalbiakchami leh Pi R. Lalnunziri Executive Committee member te an kal ve leh ang.  Tun dinhmunah Kolasib Bial-ah hian BKHP Unit 10 awmin member 238 an awm a ni.

Mission Convention:
Republic Vengthlang Pastor Bial chuan “Kei heta hi ka awm, mi tîr ta che” (Isaia 6:9) tih thupuia hmangin June 14-16.2019 chhûng hian Bethlehem Vengthlang Biakinah Mission Convention an nei dawn a, Speaker-ah Rev. Dr. V. Laldingliana, BCM, Chanmari, Aizawl hman a ni ang. Thupui: tih a ni.

Bial huap Mission Convention:

June ni 15-16 Pathian ni hmang hian Rahsiveng Pastor Bial chuan Rev.C.Lalhungliana, Bialtu Pastor Speaker-a hmangin Rahsiveng Biak In-ah Mission Convention an nei dawn a. Upa HL Liantluanga, Mission Promoter-in Mission Focus leh Consultation hun a hmanpui bawk dawn a ni.

TKP Meet cum Crusade:

TKP Pangzawl Pastor Bial chuan 14-16 June, 14-16, 2019 hian Ramrikâwn BIakinah TKP Meet an nei dawn a. He Meet hi Crusade anga kalpui niin, Speaker atân Rev K Lalbiakenga, Organizer, M|KP an hmang ang a, MTKP hruaitu hruaitu dang ten an tawiawm ang. TKP Pangzawl Pastor Bial hi M|KP Inkhâwmpui 2022 dawng tur an nih avângin inkhâwmpuina tura thil tûlte sawihona neih nghâl a ni bawk ang.

Evangelism Programme:

# Invaders For God Team chuan BCM Ramtharah tûn kâr chhûng khan Camping vawi 2-na an nei leh a, Zirtawp chawhnuah camp hi an chhuak a, Dt 15.6.19 (saturday) chhûnah KNP lâng Camp neih a ni bawk. Dt 19.6.19 (Nilai) zan thleng followup hun hman a ni ang. Speaker, Rbt PL Sanglura.

#Gospel For All Team  chuan 10.6.2019 khan Zohnuai East BKHP pual camping an neihpui a, 12.6.2019 chhunah chhuakin zanah BMP pual an nei leh a ni. Ni 17.6.2019 Thawhtanah TKP pual nei lehin Zirtawpniah an chhuak ang a, Inrinniah KNP lâng camp an nei ang.

#Eben-ezer Ministry chuan BCM. Eectric.Hnahthialah 8th June Inrinni khan Camping rawngbawlna nei turin an lut ve leh ta. Speaker, LH.Vanlalmawii. Speaker hi a la dam chiang lo hle tawngtaipui zêl ang u.

Posted in BCM News.

admin

Leave a Reply