Weekend Programme

Mission 

BCM Hqrs. Hruaitute Mission Sunday hmanpui tur leh hemi denchhena Mission Convention neiin tun Weekend hian an feh chhuak.

#AGS i/c Mission – Rev. Dr. C. Vanlaldika chuan Tuna Pathianni, July 7 hian Zohnuai East Kohhran-ah Mission Sunday a hmanpui ang.

 

Mission Convention:

#Mission Coordinator  – Rev.R.Lalthangliana, chu Zanin atanga tan tur Ramzotlang Kohhran Mission Convention-ah Speaker a ni ang a, Pathianni zan thleng hun a hmang ang.

#Mission Promoter – Upa HL Liantluanga chu Bungtlang Pastor Bial huap Mission Convention Rawpui Kohhran-ah zanin atang hian a hmanpui ang a, Pathianni zan thleng Programme an hmang ang.

#Rev.F.Sangvela (Former AGS i/c Mission) chuan hemi hun chhung vek hian BCM Luangmual, Aizawl-ah Mission Convention a neihpui ang.

#Upa HS Lalhmingthanga (Former Mission Promoter) chu zanin atanga tan tur Lunglawn Bial,  Mission Convention-ah Speaker a ni ang.

#Pu C. Lalengkima, Production Assistant, BCM AV chuan Lunglei Bazar Kohhran-ah Pathianni zanah Mission Focus a neihpui ang.

#Rev Zirsangliana Ralte, Bialtu  Pastor, Cherhlun Bial Speaker-a hmangin zanin atanga Pathianni zan thleng hian Sethlun Kohhranah Mission Convention neih a ni dawn.

#Rev KV Thanga, Lunglawn Bialtu Pastor chu Lunglawn East Mission convention-ahspeaker a ni ang “Lo chu khawvel a ni”

#Nl K.Lalrinkimi(Numami) Speaker-a hmangin, Zanin atang vek hian BCM Salem-ah Mission Convention neih a ni ang.

Mission Field tlawh:

Aizwl Zotlang Pastor Bial BKHP member 23 chu Tripura Mission Field tlawh tur vawiin, July 5,2019 zing dar 5:0 khan an chhuak a, Tum anga an kal theih chuan Tripura hi ban hman an tum a ni. Tripura-a BCM rawngbawlna hmun hrang hrang te tlawhin a remchan angin rawngbawlna an nei nghal ang.

 

Arunachal Field-ah Music Video:

Arunachal Far East-a kan ringtute, Adi Zaipâwl te chuan kumin-a an project-ah Music Video (Album) buatsaih ni se, an tih angin, BCM Communications Dept. ah hma lâkpui turin an rawn ngên a. An rawn dîl ang hian ni 1 July khan Audio Visual Production Asst. Tv. PC Lalrinmawia leh mi dang pahnih ten Arunachal Far East Field, Roing a pan ta. July ni 17-a lo lêt leh tûra inruahman an ni, kohhranhoten \awng\aipui ang u.

Work-Camp:

Tawipui North Pastor Bial bultumin July ni 9-14,2019 chhûng hian Bethbunya-ah work-camp neih a ni dâwn a. Pastor Quarter sak zawh tumin mi engemaw zât an kal dâwn a ni.

Mission Sunday – July 07

Tunkar Pathianni, July 7, 2019 hi Mizoram Baptist Kohhran ni pawimawh, “Mission Sunday” a ni a. He ni hi kum tin, July Pathianni hmasa berah hman thin a ni. Kuminah pawh he ni pual hian Mizoram Baptist Kohhran chuan Programme siamin Kohhran tinah hun an hmang leh dawn a ni. Kumin Mission Sunday thupui chu “Nang malsawmna ni ang che”. (Genesis 12:2 (b) tih a ni ang. Read More : https://www.mizobaptist.org/mission-sunday-july-07/

BCM Choir member thar Induction Service neihpui dawn

BCM Worship & Music Committee chuan Term thar (2019-2022) atân BCM Choir Member 23 a la thar leh ta a. Kar kal ta Inrinni, Dt 29.6.2019 khan Pi Dari Hall, BCM Bazarvêngah Audition neiin member thar tûrte hi tihfel an ni. Tun Pathianni, July 7,2019 hian Zotlang North Biak-inah Induction Service neihpui an ni ang. Read More: https://www.mizobaptist.org/bcm-choir-member-thar-induction-service-neihpui-dawn/

MBKHP Hruaitute New Serchhip bial lamah:

MBKHP htruaitute chuan tun Pathianni, July 7 hmang hian Bial ding thar New Serchhip Bial an tlawh dawn a. MBKHP President Rbt.F.Lalrochami, Organiser Lalhmingmawii Chawngthu leh Pi F.Hmingthanzuali Executive Committee Member te an kal ang. New Serchhip a BKHP Unit hrang hrang-ah hun an hmang ang.

Bial huap KNP Leadership Training:

July ni 13,2019 hian Hnahthial khawpui chhûnga Pastor bial pathum, Hnahthial South, Hnahthial North leh Hnahthial Bazar Pastor Bial chhunaga KNP hruaitu pual Leadership Training BCM Bazar, Hnahthialah neih a ni awn a. Resorce Person atân Pi. F.Lalengmawii, serkawn hman a ni ang.

BCM leh CCI(M) ten MoU Sign:

July 5, 2019 chawhma dar 11:30 khan Mizoram Baptist Kohhran (BCM) leh Congregational Church of India,Maraland(CCIM)  chuan BCM Headquarters Office Serkawn, General Secretary Office Chamber-ah Mission rawngbawlna kawnga thawhhona tura inremsiamna thuthlung, Memorundum of Understanding(MoU) an ziak.

Read more: https://www.mizobaptist.org/bcm-leh-ccim-ten-mou-ziak/

Durtlang Relief

Durtlanga chhiattawkte tanpuina pe

July ni 2, 2019 tlaia BSUP complex a chhiatna thlengah BCM:Durtlang chu hetiang hian Relief sum hmangin a tanpui a. 1. Mitthi (mi 3) ralna – Rs. 2000 ṭheuh pein ,  Hliam tuar (mi 9) kanna – atan Rs 1000 ṭheuh a pebakah  YMA, Leitan Branch hnenah  buaipuina senso atan Rs. 10,000 avaiin  Rs. 25,000 (singhnih sang nga) an pe a. Tin, BCM aiawhin Rev.Dr.R. Thanmawia, Executive Secretary, Aizawl Area chuan hliamtuarte damdawiinah a kan bawk.

MBKHP Hruaitute New Serchhip bial lamah:

MBKHP htruaitute chuan tun Pathianni, July 7 hmang hian Bial ding thar New Serchhip Bial an tlawh dawn a. MBKHP President Rbt.F.Lalrochami, Organiser Lalhmingmawii Chawngthu leh Pi F.Hmingthanzuali Executive Committee Member te an kal ang. New Serchhip a BKHP Unit hrang hrang-ah hun an hmang ang.

 

Posted in Uncategorized.

admin

Leave a Reply