Weekend Programmes

G.S Programme:

BCM Hqrs.Office

General Secretary, Rev. F. Ramdinmawia chu nimin July 11,2019 chawhma lam khan BCM Evangelistic Team recognized thar mi 6 te Orientation a neihpui hnu-ah chawhnu lam khan Aizawl panin a chhuak leh nghal a. Vawiin, July 12 zingkarah Chief Minister nen appointment neiin BCM Assembly-in Mizoram Sorkar hnena thlen tura a rel thu pawimawh tak tak a sawipui.  Vawiin vek hian Aizawl Area Pastors’ Meet hawngin hun a hmanpui nghal ang a, naktuk, July 13,2019 (Inrinni) hian Baptist House Annex building sak thar leh Gueast House thar a hawng leh ang. Programme hman zawh veleh Lunglei lam panin a rawn chhuak leh nghal dawn a ni.

AGS i/c Mission:

Rev. Dr. C. Vanlaldika, AGS i/c Mission chuan July 12-14,2019 chhung hian Lunglei Electricveng Kohhran-ah Mission Convention a neihpui ang.

Bial Musical Meet & Worship Seminar

July ni 12-14, 2019 chhûng hian Phuldungsei Pastor bial W&M committee buatsaihin BCM Marpara-ah Bial huap Musical Meet leh Training neih a ni a. Headquarters atangin Rev. Lalremsiama Ralte, Director W&M leh Pu Muansangpuia Chawngthu, Music Trainer ten an hmanpui.

Awareness Campaign:

Rev. Sanglliankhuma Chinzah, Director BCM Social Concern Dept. chuan July 13-14 chhung hian Aizawl East Pastor bial huap-in BCM Saron Biak-inah HIV/AIDS Awareness Campaign/Seminar a neih pui ang.

Intermediate Meet:

July 13, 2019 Inrinni hian Theiriat Pastor Bial chuan Intermediate Meet an nei dawn a. Hetah hian Intermediate pual ni mahse, Junior leh Baptisma zirlaite pawh an tel dawn a ni. Headquarters a\angin Pi B.Singpari, Sunday School Promoter bakah Resourse Person turin Upa C.Saihmingliana, Sunday School Trainer ten an kal ang.

Bial huap Sunday School Training:

July ni 13-14 chhûng hian New Serchhip Pastor Bial huap Sunday School Seminar chu BCM New Serchhip-ah neih a nidawn a. Resource person-ah Upa T.Chalnghingluaia leh Rbt.H.Lalnunzuala, Sunday School Trainer te an kal ang.

Musical Meet:

July 12-14, 2019 chhung hian Bazar Pastor Bial, Lunglei chuan BCM Biak In, Venglaiah Bial huap Musical Meet an nei dawn a, thupui atan “Lalpa chu fak rawh u” (Sam 150:1) hman niin Speaker atan Rev. Vanlalmuankima, Bialtu Pastor & President, MTKP hman a ni ang.

He Meet-ah hian bial chhung kohhran zaipawl hrang hrang bakah bial pawn atangin BCM Hnahthial South Pastor Bial Zaipawl, BCM Lawngtlai East Pastor Bial Zaipawl, BCM Lunglawn Pastor Bial Zaipawl,BCM Theiriat Pastor Bial Zaipawl ten zaia rawngbawlna an nei ang.

Mission Convention:

July 12-14 chhûngin Theiriat Venglai Kohhran chuan Mission convention an buatsaih a, Speaker Rev. F Sangvela, Former AGS i/c Misson an hamng ang.

Hemi hun chhung vek hian Theiriat Gigal Kohhran-ah Mission Convention neih a ni bawk dawn a, Speaker-ah Rev. C. Chhuntluanga, Pastor Coordinator a ni ang.

Work Camp:

BCM Tawipui North Bial member mi 15 te chuan July 10-14,  2019 chhûng hian Longpuighat-ah Work Camp an nei mek.

Evangelist te Programme:

#Horeb Ministry chuan 6th July 2019 zân atangin BCM Hnahthial Lungleng Kohhranah Pre Camping Crusade an nei a, Camping vawi 5 an nei ang. Speaker Rbt. Lalhriatpuia Chawngthu.

#Invader for God chuan 6/7/2019 zân atang khan BCM Kikawn, Bazarveng Lungleiah rawngbawlna an tan a, Pre Camp Crusade neiin tûn kâr chhûng khan camping an nei chho leh a ni. Speaker Rbt. PLSanglura.

#Gospel for all Team chuan tûn kâr chhûng khan BCM Gosen, Electricveng Lungleiah camping neiin hun an hmang bawk. Speaker Upa F.Lalnuntluanga.

Posted in BCM News.

admin

Leave a Reply