Weekend Prorgramme thenkhat

Sunday School Programme:

Tunkar Inrinni, June 2, 2018 khian Zobawk ‘S’ Pastor Bial huap Intermediate Meet, Horeb Biak In, Zobawk-ah neih a ni dawn a. Headquarters atangin Rev. Pc. Liandula, Christian Education Direcor leh Upa K. Lalnuntluanga, Editor, Baptist Today ten he Meet hi an hmanpui ang.

#Tunkar Inrinni leh Pathianni hmang vek hian Paithar Pastor Bial huapin Sunday School Training, Chawntlangpui-ah neih a ni dawn a. He hun hi Pi H. Lalkimi, SS Promoter leh Upa T. Chalnghingluaia, SS Trainer, Lawngtlai ten hmanpuiin Training an pe ang.

Fakna Kûtpui/Inkhâwmpui nei dâwn:

#Chanmari Pastor bial chuan June ni 8-10,2018 chhung khian Chamnmari Biak In-ah “Lalpa chu fak rawh u, Lalpa chu a tha si a” (Sâm 115:3) tih thupui-a hmangin Fakna Inkhawmpui an nei dawn. Speaker, Rev. H.Lianngaia a ni ang.

Financial Campaign:

Hnahthial North Pastor Bial Hruaitute chuan JUne 3, 2018(Pathianni)hian zing lamah Denlung, zan lamah Electric Kohhranah te Financial Campaign neiin hun an hmang dawn. Hnahthial North Pastor Bial te hian kumina Assembly Target an neih chu tlin loh mai an hlau hle a, chuvângin Kohhran tlawh pahin Financial Campaign hi neih an tum ta a ni.

Mission News:

# May 27, 2018 (Sunday) khan Chakma Mission-ah ring lo mi atangin baptisma chang thar – Tuichawng-ah mi 4, Marpara-ah mi 3, Serhuan-ah mi 3, an vaiin mi 10 an awm. Kohhranhoten tawngtaisak zêl ang u.

# Rampâwn lama Mission School Central Board hnuaia exam result kan hriat theih chinah an ti tha tlângpui a, Pathian hnênah lâwm thu sawi ila. Result kimchang kan dawn veleh kan rawn târlang ang.

Adi Baptist Union leh Missionary te hmalâkna:

Adi Baptist Union Sunday school-a senior group – thalaia la tel pha si lo, laklawh ho pualin Evangelistic camp chu  16.5.18 atang khan Kiyit Biak Inah neih a ni. Kohhran hrang hrang atangin mi 400 chuang an pungkhâwm. Speaker Pu C. Lalramnghaka, Pu C.Pachhunga, Nl Sarah Tayengte an ni. He programme hi ABU kum 47 chhûnga a hmasaber a ni.

I tawngtaipui ang u:

BCM Elim, Chhiahtlang chuan hun rei tak Biak In chungchânga harsatna an tawh hnuah Biak In an sa tan ve dawn chiah a, Sorkar lamah min tibuaitu an awm leh avângin Stay Order lehkha hmu leh a ni a. Hetianga an Lsc chhûng ngeia Biak In sak tihbuai a ni fo hi Pathian thiltihtheihnaa a lo reh theih nân tawngtaipui tûrin kohhranhote an ngên e.

Evangelism Programme:

#N. Khawbungah Camping neih chhunzawm zel a ni a, Speaker, Upa K.Lalenga, Chanchin |ha Chhuangtu Team.

#May ni 21-26 chhung khan Maranatha Team ten 2nd Batallion MAP-ah Camping an nei, mi 70 zet an lut a, May ni 29 atang hian Camping an neih chhunzawm leh ang. Speaker Rev.K.Lalbiakenga leh C.Lalrinchhana te an ni.

#May ni 21-26 chhung khan Laldenga Park Kawmzawlah Serkawn Kohhran buatsaihin Special Camping neih a ni, mi 21 lutin hlim takin an chhuak a, ni 26&27 Crusade-a chhunzawm a ni. Speaker Rbt.Lalrinliana, Deriela Team.

#Peniel Kohhran, Hnahthialah Camping neih zawh a nih hnuin May ni 2 atangin BCM Luangmual,Aizawlah Pre Camp Crusade neih leh nghal a ni. Speaker Upa F.Lalnuntluanga, Gospel for All Team.

#Venghlun Kohhran buaitsaihin Special Camping chawlhkar hnihna a kal mek a. 2.6.2018 khan an chhuak. Hemi zawh veleh hian BCM Hrangchalkawnah Camping chhunzawm leh a ni. Speaker Rbt PL Sanglura, Invader for God Team.

#Madanrting, Shillong chuan Revival Rev. F. Sangvela Speaker-a hmangin May 26 atang khan Crusdae an hmang mek.

Posted in Uncategorized.