Weekend round-up

#Mission Convention :

*Aizawl West Kohhran chuan Rev.Dr.C.Vanlaldika AGS i/c Mission Speaker-a hmangin July 28-29 chhung hian Mission Convention an nei mek a, Convention thupui-ah “Zirtirah te siam ula” tih an hmang

July 28-29, 2018 chhung vek hian Sertlangpui kohhranah Mission Convention neih a ni dawn . Speaker, Rev.K.Lalbiakenga, Organiser, PG&PAC. Ni thung ang.

#President Elect Zote ‘S’ lamah:

BCM President Elect, Rev.PC.Liandula chuan TKP Day denchhenin July ni 28 – 30 chhung hian Zote “S’ kohhran hun rawngbawlna a nei dawn a, Inrinnizan, Pathianni zing, Pathianni zan, Thawhtn zing leh Thawhtan zan-ah te TKP Day thupui “Pathian chunglam koh chhan” tih hmangin thuchah a sawi thin ang. Zote ‘S’ Unit TKP te hian TKP Day vawi 67-na hi Crusade angina an kalpui a, TKP Day, July 30 (thawhtanni hian) nilengin awmni khamin an lawm dawn a ni.

#E.S. Aizawl Area Programme:

Rev.Dr.K.Lalrinthanga, Executive Secretary, Aizawl chuan July ni 29 Pathianni zingah BCM Tlangnuamah hun a hmanpui ang.

#E.S Lawngtlai Area Programme:

Rev.R.Lalbiakliana, Executive Secretary, Lawngtlai chuan Dt.29.7.2018 (Sun) zingah – BCM Bazar-ah hun a hmang ang.  Dt.30.7.2018 (Mon) ah Phawngpui North Pastor Bial Quarters hlanna a nei ang.

#Communications Campaign:

Rev.LB Khawpuimawia Diretor,Communication Dept. leh Rbt. Vanlalruata Kawni A/V Manager te  chuan Ni 26 – 29 inkar chhung hian Paithar Pastor Bial Kawlchaw West kohhranah  Communication Campaign, Seminar & Solfa training neiin hun an hmang. Zanlamah thuchah ngaihthlak niin Zirtawpni leh Inrinni nilengin  Seminar & Solfa training neiin Pathianni zing leh Zanah Praise & Worship hun an hmang leh ang.

#Aizawl Area Pastor’s Meet:

August 7-8, 2018 khian Aizawl Area Pastor’s Meet,  BCM Conference Centre , Chanmari-ah neih a ni dâwn a. He hunah huan Serchhip Pastor Bial atanga Mizoram hmar lam zawng a BCM Pastor awm te, Bial nei leh Pensioner te pawh huapin tel vek turin an sawm a ni. Headquarters atangin General Secretary Rev.F.Ramdinmawia’n a hmanpui ang.

#Musical Meet  : 

Pangzawl Pastor Bial chuan “Pathian chibai buk” tih thupui hmangin Musical Meet vawi 4 na July 27 – 29 chung hian Pangzawl Venghlun Kohhran biak Inah an nei mek a. He Musical Meet-ah hian Bialtu Pastor Rev.K.Vanlalzika chu Speaker-a hmangin Serkawn Pstor Bial Zaipawl ten an hmanpui bawk. Bialchhung Kohhran hrang hrang atangin Zaipawl, Group zai leh mimal zaithiam tak tak an zai thin a ni.

#MBKHP Executive Committee

Tunkar Nilaini, July 25 khan Mizoram Baptist Kohhran Hmeichhe Pawl (MBKHP) Executive Committee Meeting, BCM Committee room, Serkawn-ah neih a ni a. He meeting-ah hian Ram pawn tlawh chungchang te, 2019 MBKHP rorel hun tur te, 2019-a MBKHP rorel dawltu tur te, 2021 leh 2024 MBKHP Inkhawmpui dawltu tur te an ngaihtuah a ni.

MBKHP Executive-ah hian Lunglei khawpui chhung bakah Lawngtlai leh Aizawl area atangin member inruat thin a ni a, tun tumah hian member 21 an kal thei a ni.

#Diamond Jubilee lawm

July,  25-26, 2018 chhung hian TKP Mualcheng ‘S’ chuan an din cham kum 60na (Diamond Jubilee) an lawm dawn a. Pu V. Rokhawlkima, Asst. Secretary, MTKP chu Speaker a ni ang. A ni bakah hian MTKP hruaitute atangin a, Rbt. Elvis Lalthangzuala, leh Pu F. Lalremruatpuia,  Executive Committee member te bakah Miriam Lalnundiki, zaithiam ten an kal.

He hunah hian Rev. K. Lalbiakenga, Organiser, PAC chu Resource Person niin, HIV/AIDS laka invent dan leh Ruihhlo that loh zia zirtirna a pe bawk.