Weekend Roundup

Rev.Dr.C.Vanlaldika, AGS

AGS i/c Mission zin chhuak:

Rev. Dr.C.Vanlaldika, AGS i/c Mission chu Assam Fields leh W.Bengal Fields tlawh turin a zin chhuak a. Ruahman anga a kal theih chuan Boro Area, Rabha Area, Birpara leh Dhubri te a tlawh dawn a ni.

MTKP Executive Committee Meeeting

Vawiin, June 28, 2019 chawhma dar 11:30 khan Mizoram Ṭhalai Kristian Pawl Executive Committee meeting, BCM Chanmari Committee Hall-ah an nei a, President thar Rev. Vanlalmuankima’n Meeting hi kaihruaiin, Organiser thar Rev. K. Lalbiakenga’n report a pe bawk.

MTKP executive committee Members 2019-2022

Vawiin Meetingah hian, MṬKP rorel 2019 in a pass hrang hrang te bawhzui mek dan leh hmabak te an thlir a,  Chung zingah chuan – Ruihhlo ngaite chhanchhuah kawnga hma lak dan tur te, Social Media(Internet) lama Thalaite nun kawng dika kaihruai thei tur thuziak lama tan lak dan tur te, 2020 atana TKP thusir tur chungchang leh Career Guidance lama hmalak dan tur te an ngaihtuah a. heng bakah hian Lunglei Town huap TKP Meet 2020 neih chungchang leh Bial hrang hrang atanga sawmna an dawn te tihhlawhtlin dan tur an ngaihtuah a ni bawk

Lib.Pic: MBKHP Rorel 2018

MBKHP Hruaitute Thenzawl-ah:

Tunkar, June 30, 2019 Pathianni hmang hian Mizoram Baptist Kohhran Hmeichhe Pawl (MBKHP) Office Bearer te chuan kum 2020-a MBKHP Rorel chungchângah a dâwltu tur Thenzawl Bial tlawhin an chhuak dawn a, MBKHP hruaitute leh Thenzawl Pastor Bial hruaitute, Bial BKHP hruaitute nen inkawmhona an nei ang.

 

Serkawn Kohhran Zaipawl Retreat

Zaipawl Retreat neihpui:

Rev.Dr.Lalzarliana, Communications Director chuan June 26 zan atang khan Serkawn Kohhran Zaipawl Retreat neihpuiin hun an hmang mek a. Zanin hian an tiak ang. He Retreat-ah hian Zaipawl member leh hruaitute nen mi 30 chuang zet an tel a ni.

 

Bial huap Salvation camping:

Shillong Pastor bal chuan July 4-6 chhung hian Baptisma leh Intermediate zirlai pualin BCM Madanriting-ah Camping an buatsaihsak dawn. Speaker, Rev. K.Lalnunsanga, Regional Director, Guwahati a ni ang.

 

Kohhran Silver Jubilee lawm

June 25-26 khan BCM N.Vanlaiphai chuan Kohhran din champha vawi 25-na (Silver Jubilee) hlim takin an lâwm a. Headquarters aiawhin Rev. L.Vanlalsanga, Edication Director-in a hmanpui.

 

Church Leaders’ Seminar:
June 29-30, 2019 chhûng hian Tawipui Pastor Bial huapin “Kohhran Humhalh leh tihhmasâwn” tih thupui hmangin Church Leaders’ Seminar neih a ni dawn a. Rev. V. Vanlalchhunga, Zotlang(Lunglei) Bialtu Pastor chu Resorce person a ni ang a, Zotlang Pastor Bial Zapâwl ten an \awiawm ang. 
 
Bial TKP ten work camp nei:

BCM Hmawngbu Pastor Bial chhûnga Tuithumhnâr Kohhran Biak In sak tan an tum ve ta a. Cement work tur hmanrua an in la fel a. Ni 24.6.2019 khan Paithar Pastor Bial |KP ten Work camp neia Cement work chin zo vek turin an kal a ni. Lunglawn East BMP, BKHP, TKP ten 20000 theuh an pêk hmangin a hmun an lai fel tawh a ni. Biak In \ha tak an sak theih nan tawngtaipui ang u.

 

Siaha West Pastor Pastor Quarters hawng:

June 21,2019 khan Siaha West Bial Pastor Quarters chu Upa K. Hrangsua, bial Chairman-in ribbon chep chatin a hawng ta. Qtrs sak nân hian hnatlâng tha bâkah Hqrs pêk Rs 13,00,000 nên a vaiin Rs 28,00,000 sên ral a ni. Tûnah hian Bialtu Pastor, Rev. Lianchhûnga Khiangte a awm mêk a ni.

 

Evangelism Programme:
#Chanchin Tha Chhuangtu Team chuan Phuldungsei, Tripura ah Camping an nei mêk. Tûn \umah hian Deputy speaker Rbt. Lalruatsaka hovin an nei a ni.

#Remna Palai Team chuan 24.6.2019 zân a\angin BCM Tuidam-ah Crusade an nei \an leh ta, Speaker Rbt. C.Ramdinmawia.

#Kraws Thupuangtu Team chuan June 24-July 6,2019 chhungin BCM Bethani, Lawngtlai College vengah Ruihhlo ngai pual camping an nei. Speaker. Rbt. Vanlalengmawia Sailo.

#Eben-ezer Ministry chuan tûn kâr chhûngin BCM Electric, Hnahthialah camping chhawng 4-na an nei chhunzawm. Speaker, Pi LH Vanlalmawii. 

 

 

Posted in BCM News.

admin