Zemabawk Pastor Bial BMP te awmni khamin an ṭawngṭai.

Kum 2020 BMP Zemabawk Pastor Bial Rorelna-in ‘Bial huap awmni khama tawngtai neih ni se” ti-a an lo rel angin January 16, 2021 khan Prayer Mountain, Hangi lunglen tlang, Aizawl-ah Bial huapin awmni khamin Tawngtaihona an nei.

He hunah hian Ṭawngṭai chhawng 5 siamin, Chawhma ah chhawng 3 leh Chawhnu lamah chhawng 2 an nei a. BMP member 31 bakah BKHP leh KNP member pakhat ve ve telin an vaiin mi 33 an kal a, Senior Adviser-in a ho a ni.

Zemabawk Bial BMP te hian kum 2021 bul ṭan nan Awmnikham ṭawngṭai an hmang thei hi hlawk thlak an ti hle a, “Kei leh ka chhungte erawh hi zawngin Lalpa rawng a ni kan bawl dawn ni”, ti tu BMP te hian Pathian leh kohhran kutke ṭangkai tak ni zel tur leh Kristian Chhungkua din thar zel tura theihtawp chhuah tumin inhlan tharna an nei a ni.

BMP Zemabawk Pastor Bial ah hi kum 2011 khan din niin tunah hian Unit 5 –  Zemabawk Unit, Ṭhuampui Unit, Zuangtui Unit, Muannaveng Unit leh Bethel Unit te awmin kum kalta khan member hi 197 an awm a ni.