Zin chhuak leh rawngbâwlna nei te:

Tluang takin England an thleng

BCM hruaitu lian pali – Rev. Lalbiaksanga Chinzah – President, Rev. F. Ramdinmawia -General Secretary leh AGS pahnih Rev. Dr. C. Vanlaldika leh Rev. R. Zohmingliana te chu Sap Upa leh Pu Buanga thlân UK-a siam that tak memorial Service, BMS nêna neih tûrah an la thang mek a. Chanchin kan ziak lai hian London, UK chu tluang takin an thleng tawh a ni.

Tarlan tawh ang khan Sap Upa leh Pu Buanga thlansiam thar pualin Memorial Service September 14, 2018 (Zirtawpni) hian  Haven Green Baptist Church, London-ah an neih a ni dawn a nih kha. Hemi ni Chawhma lamah Sap Upa thlan tlawh in, Chawhnu ah Pu Buanga thlan an tlawh leh ang a, thlan-ah hian hunserh hman ve ve a ni ang a, BMS lamin an kaihruai ang a, BCM President / General Secretary-in BCM aiawhin Welcome Speech, Tribute to F.W Savidge & J.H Lorrain te sawiin tawngtaina neih a ni ang

Official Memorial Service inkhawm – 4pm to 5pm ah Haven Green Baptist Church-ah neih a ni ang. He Inkhwm hi Rev. Dr. C./ Vanlaldika, AGS i/c Mission (BCM) in a kaiahruai ang a. BMS leh BCM aiawh ten thu an sawi bakah  Sap Upa tunu Anne Quick leh UK mizo community  te aiawhin thu an sawi ang a, Pi Lalrindiki Khiangte (Daduhi) leh Pi Felicia Singson te an zai bawk ang. Sap Upa leh Buanga hriatrengna hun leh an chanchin chhiarchhuahna hun hman a ni bawk ang.

 

#Rev. PC Liandula, President Elect :
September 14, 2018 (Zirtawp) zan atang hian Hermon Kohhran, Mualthuam ‘N’-ah Crusade a neihpui ang.

 

#Rev. B. Lalrinawma, Mission Coordintor :

Arunachal West Field Zero leh Assam Field Partkijuli-ah thawktute  pualin Retreat/ Seminar neihpui turin vawiin, September 13 khan Headquarters a chhuahsan.

 

#Rev. LB Khawpuimawia, Director Communications:
September 14 – 16 chhung hian BCM Zohnuai East-ah Crusade a nei ang.

 

#Rev. KV Thanga & Pi B. Singpari:

September 22, 2018 khian Haulawng Pstor Bial leh Mualthuam ‘N’ Pastor Bial KNP te pualin Haulawng Lamthuamthum Biak In-ah nKNP Meet buatsaih a ni a. Rev. KV Thanga, FOD Director leh Rbt. B. Singpari, KNP Promoter te bakah Nl. R. Lalramliani, Jt.Editor, Naupangte Thian leh Serkawn KNP hruaituten an tawiawm ang.

 

#Upa HL Liantluanga, Mission Promoter:
September 14-16 chhung hian Kanan Kohhran, Hnahthial ah Mission Covention a neihpui ang.

 

#Upa  K. Lalnuntluanga, Editor, Baptist Today:
September 14 – 16 chhung vêk hian BCM New Kawnpui-ah Crusade a neihpui ang.

 

#Upa Buakchungnunga, Office Superintendent:

Mizoram Gospel Quasquicentennial Monument District khawpui tina phun tur, Aizawl-a order la chhuak turin nimin September 12 khan Aizawl an pan a, a tum anga a awm theih chuan vawiin tlaiah Serkawn lo thleng leh hman tura ngaih a ni. Heng Minument hi Marble/Granite-a ziak a ni a, District tinah a in ang vek phun a ni ang.

Posted in BCM News.

admin