Zin chhuak

BTE Meeting-ah BCM hotute kal

Nimin, April 25-26 chhung hian AICS-ah Board of Theological Education Committee Meeting neih mek a ni a, he Meeting-ah hian BCM Headquarters atangin BCM President – Rev. Pc. Liandula, General Secretary – Rev. F. Ramdinmawia, AGS –i/c Mission – Rev. Dr.C.Vanlaldika leh Pastor Coordinator – Rev. C. Chhuntluanga te chuannimin khan Aizawl an pan a, vawiinah Meeting tanin naktuk hian zawh theih beisei a ni. 

Tun tuma Board of Theological Education Meeting hian Agenda pangngai bakah Pathianthu zir tur stream hrang hrang –   M.Th, BD, M,Div bakah Dip.in Chruch Music zir tur te interview an nei dawn a ni. Rev.F.Ramdinmawia leh Rev. Dr. C. Vanlaldika te an zin hlan hian Rev. R. Lalbiakliana, AGS i/c Service chuan Office nghakin General Secretary leh AGS i/c Mission mawhphurhna a lo la dawn a ni.

 

NEICC-WA Bi-nial Assembly-ah MBKHP palai 30 kal.

North East India Christian Council, Wmen’s Assembly (NEICC-WA) chuan April 26-28 chhung hian Shillong-ah 13th Bi-nial Assembly an nei dawn a. He hun hmang turin hian Mizoram Baptist Kohhran Hmeichhepawl (MBKHP) aiawh member 30 an kal. MBKHP aiawha kal zingah hian hruaitu (O.B) 4 – Pi F. Lalrochami – President,  Upa C. remmawia-Vice President, Nl. Lalhmingmawii Chawngthu-Organiser, Dr. F. Zoramthangi-Fin.Secretary leh Pi B. Singpari – Asst.Secretary te an tel a, Mizoram chhung atangin member 28 leh Shillong atangin Member 2 ten an lo zawm dawn bawk a ni.

 

TBCU Assembly-ah BCM aiawh kal

Tripura Baptist Union (TBCU) Assembly, April 26-28, 2019 a, Khowai-a neih tur-ah BCM aiawha palai turin Rev. K. Vanlalmuana, Serchhip, Upa R. Vanmawia, Shalom, Mission Vengthlang leh Upa K. Zozamliana, Lawngtlai Bazar te chuan vawiin khan Mizoram atangin Tripura an pan. An programme anga an kal thei a nih chuan kar leh thawhtanni, April 29-ah an lo haw leh ang.

 

 

 

Posted in BCM News.

admin