Zochachhuah/Zorinpui Hmuna Mission Survey neih a ni.

Kar hmasa,  Zirtawpni, October ni 15 khan Assembly 2021 Thurel bawhzui in Zochachhuah/Zorinpui, India leh Myanmar inrina hmuna Missionary dah dan tur kawng dapa Mission Survey nei a kal Rev. Dr. C. Vanlaldika leh Mission Survey Team te chuan hlawhtling tak in a hmunhma leh mihring awm te dinhmun zir chianna an nei.

 

Helai hmun hi Insumdawn Tawnna hmunpui tur ni in, tunah hian sawrkar hmalakna in chak taka kalpui mek a ni a. Hetihlai hian Myanmar atangin helai hmun ah hian Rakhine hnam mi sang chuang lo lut tawh in hnathawk in an awm mek a. Bhudist Sakhua zuitu niin, tunah hian an sakhaw puithiam te pawh in awmchilh nghal in Bhudist Mandir te pawh a ding tawh a ni.

Helai hmunhma en a kal te hian Missionary (Evangelist) dah ngei tura hmalak tul an ti in, Evangelist bak ah Missionary Nurse dah tel ni se tha an tih thu an sawi a ni. Missionary dah tur hian a tul anga hmalak chhunzawm zel a ni ang.