Zohnuai Kohhran, Lunglei chuan Arunachal East Field, Tirbin ah Work Camp an nei

BCM Zohnuai Kohhran, Lunglei te chu  tunkar  thawhlehni, November 30 khan Arunachal East Field, Tirbin hmuna Work Camp nei turin Zohnuai an chhuahsan a, Work Camp tura fehchuak te hi an vaiin mi 7 niin, mipa vek an ni.

Hemi ni vek tlai dar 4 ah Aizawl chhuahsan in Guwahati panin an chhuak leh nghal a. Nilaini, December ni 1 zingkar ah Guwahati thleng in Regional Director, Guwahati Region Rev. K. Lalnunsanga leh thawktu dang ten an lo dawng sawng a, hemi ni vek tlai lam ah Rel-in Silapathar an pan leh nghal a, Ningani, december ni 2 ah dam takin an work camp neihna tur Tirbin an thleng a ni.

Tirbin ah hian Missionary Pu C. Pachhunga te chhungkua leh Galo Baptist Union hruaitu ten an lo dawngsawng a. A tuk December ni 3 atangin Work Camp hi an nei tan nghal a ni. Ruahman ang chuan Work Camp hi ni 8 chhung  nei in, Galo Baptist Union, Mission Centre chung an chih ang a, December ni 11 ah rawn let leh in, ni 15-ah Zohnuai rawn thleng leh tura beisei an ni.