Pastor Bial pathum – Khumtung, Phawngpui ‘S’ leh Zotlang Bial Aizawl-ah te Sunday School Training & Seminar neih a ni.

# Khumtung Pastor Bial ah May 21 (Inrinni) khan BCM Biak In, Khumtungah neih a ni a. He Training hi Upa J. Lawmsanga leh Upa F.Lalsawmliana, Sunday School Trainer ten hmanpuiin Training an pe a, Inrinni nilengin Training leh Semianr hi neih a ni a. Bial chhung Kohhran hrang hrang atangin Sunday School Zirtirtu 39 kalkhawmin, Zirtirna an pek bakah sawihona leh zawhna leh Chhanna hun te hman a ni bawk. Pathianni chamin Pathianni zingah BCM Khumtungah Upa F.Lalsawmliana’n thuchah a sawi a, zan lamah Upa J. Lawmsanga’n a sawi bawk.

Phawngpui S Pastor Bial-ah May 21 (Inrinni) vek khan Sunday School Training & Seminar BCM Biak In, Siachangkawn-ah neih a ni a. Upa  HS Lalhmingthanga leh Upa Hmingthanzuala, Sunday School Trainer ten hmanpuiin Training an pe a, Inrinni nilengin Training leh Seminar hi neih a ni a. Bial chhung Kohhran hrang hrang atangin Sunday School Zirtirtu 46 an kal thei a ni. Pathianni-ah Sunday School Campaign neih chhunzawmin, Bial chhung Kohhran hrang hrangah hun an hmang a, Tum 4 ve ve thuchah sawina hun an nei thei a ni.

Zotlang Pastor Bial Sunday School Committee buatsaihin, May ni 22, 2022 (Pathianni) chawhnu khan BCM Biak in, Aizawl West-ah Sunday School Training & Seminar neih a ni a. Training-ah hian Sunday School Trainer, Upa Lalhmukima Kawlni, Aizawl West (Dinthar ) chu Resource Person-ah hman a ni. Bial chhung Kohhran hrang hrang aṭangin Sunday School zirtirtu leh puipa te mi 157 an kal khawm a ni.