Seminar on Social Concern:
Dt.26.7.2014(Inrinni) khian BCM Central Church Biak Inah Republic Bial leh Mission Vengthlang Bial chhunga Tualchhung Kohhran leh FOD-te buatsaihin tunlai kan ram khawtlanga sualna lo pung zel dona tur chungchang Seminar an nei dawn a. Resource Person-ah Rev.Lalbiaksanga Chinzah AGS, leh Rev.Lianchhunga Khiangte Organiser, Social Concern Department te hman an ni ang. Pathianni-ah Kohhran hrang hrangah thuchah sawiin hun an hmang nghal bawk ang.
July 30, 2014 (Nilaini) hi Thalai Kristian pawl(TKP) din champha vawi 63-na a ni a. Hemi ni hi Mizoram pumah TKP member ten an hmang leh dawn a ni. MTKP atangin Progamme a hranpa-in siam a ni lo va, Unit tinin tul leh tha an tih angin Programme hi an siam turin a ti a. TKP Day hi Kohhran leh khawtlangin a hlawkpui theih nana hman tum theuh tur leh Social Service pawh neih ngei tum tur te, Unit tinin TKP Day pual Inkhawm buatsaihin, programme pawh uluk leh tha taka duang turin MTKP chuan a chah a ni.
Baptist Mipa Pawl (BMP) chu a din tantirh atanga a vawi khatna atan Mizoram pum huap BMP Meet chu, August 8 -10, 2014 hian Mizoram Baptist Kohhran Biak In, Bazarveng- Lunglei-ah neih a ni dawn a. Thupui-ah “Rawngbawlna” (Joshua 24:15) tih hman a ni ang.
Mizoram Thalai Kristian Pawl(MTKP) chuan kumin an thurel umzuina kal zelah-ah July 26-27, 2014 hmang hian Aizawl khawpui huapin Intodelh Seminar – City Church, Aizawl-ahan hmang leh dawn. He Programme hi Inrinni zan atanga tannin Pathianni zan thleng hman a ni ang a, thupui atan ‘Thawhrimna’ (1 Thes 4: 11 & 1 Kor 4:12) tih thu hman a ni ang.
Evangelical Church of Maraland Hruaitute chuan Tunkar Inrinni, July 26, 2014 hian Mizoram Baptist Kohhran Headquarters rawn tlawh turin programme an siam a. ECM hruaitute hi Senior Executive Secretary Rev. P. Riabi-an rawn hovin, ECM Puipa mi 3 leh zaipawl member 21 te nen, an vaiin mi 25 vel rawn kal tura ngaih an ni. Inrinni chawhnu dar 2:00-ah BCM Committee Hall-ah Kohhran pahnih hruaitute inkawmhona an nei ang a. Inrinni zan atanga Pathianni zan thleng Lunglei Kohhran hrang hrangah zaipawlte nen hun an hmang ang a, BCM hruaitu ten an tawiawm thin dawn a ni. Continue reading
