ṬKP Platinum Jubillee puala Group zai intihsiakna chu Headquarters Area a Unit hrang hrang 20 (sawmhnih) ten April Ni 29 & 30, 2026 zan khan BCM Hall, Serkawnah an nei.

5th North East India Christian Council(NEICC) Executive Committee Meeting April 28, 2026 (Thawhlehni) khan NEICC Conference Hall, Shillong-ah NEICC Executive Committee neih niin, Thurel langsar zual then khat te:

May 2, 2024 kha Baptist Kohhran Hmeichhe Pawl (BKHP) din champha phak vawi 88-na a ni a. Kumin BKHP Day thupui chu “Lungawina kim Isua’ (Phillipi 4:11) a ni.

April 28, 2026 (Thawhlehni) khan AICS Valedictory Service vawi 24-na Pastor Thanzinga Chapel, AICS Tanhril ah hman a ni a. He hunah hian Zirlai kal chhuak tur mi 59 te hnenah certificate hlan an ni. Valedictory Speaker atan Rev.Dr. Wati Longchar, Executive Director, FTEAP hman a ni.

Kum 2026 session atan School of Nursing, Christian Hospital Serkawn-ah General Nursing & Midwifery (GNM) zir duh tan May 4 atanga June 4, 2026, chhung hian dil theih a ni a

April 26, 2026 Pathianni hi Mizoram Baptist Kohhran Ni pawimawh (Special Sunday) “Buhfaitham Pathianni” a ni a, II Samuela 24:24 thu “In sengso ngam ringtu” tih chu thupuiah hman a ni.

April 21, 2026 Thawhlehni,  aţang khan Headquarters Area te, Lawngtlai Area leh Aizawl Area –a BCM Financial Account (2025-2026) Audit a ni a, ruahman ang chuan chawlh kar khat-chhunga zawh hman beisei a ni.

Vawiin April ni 15 (Nilaini)zing dar 9:30 khan Formosa Foundation India chuan Christian Hospital Serkawn hman atan Ventilator a pe. Covid hripuiin min tuam lai pawh khan CHS hi Ventilator pahnih leh Medical equipment chi hrang hrang  an lo pe tawh a ni.

BCM Member puitling, Baptist Literature Service Office, Serkawn-a thawk turin a hnuaia hna tarlan hi a ruak a

Tun kar Zirtawpni, (April 3, 2026) hi Khawvel puma Kristiante ni pawimawh ber zinga mi "Good Friday" a ni a, (April 5, Pathian Ni) hi Isua Krista Thawhlehna Ni (Easter Sunday) a ni bawk. He hun ropui tak hi Mizoram Baptist Kohhran chuan serhin Good Friday Eve zan atangin Zoram pumah Kohhran hote’n Good Friday programme an hmang dawn a ni. Pathianni-ah Easter Sunday programme hman a ni leh ang. Hemi a nih avang hian kohhrana thawktute pawh April 2–6 chhung Good Friday leh Easter chawlh an hmang dawn a, hemi hun chhung hian Hqrs Office dawr theih a ni dawn lo a ni.

March 26, 2026 hian BKHP Sethlun Unit te chuan Pangpar khawi training R&D Department te an sawm angin an neihpui. Pi Lalhmingi Sethlun Unit Executive Committee Member chuan tanna hun hmangin, Rbt.Lalrinawma Co-ordinator R&D Dept. chuan R&D Department rawngbawlna hrang hrangte sawi zauna a neih bakah, Pangpar khawi thiam hi Kohhran tin te’n kan mamawh zia leh programme lian thamah te pawh a tangkai thin zia te tarlanna a neih bakah, R&D Dept. te hian pangpar khawi Training an buatsaih dan te, mithiam zawk te training pe tur atana an sawm dan leh kohhran ho te’n an hlawkpui dan te a sawi.

Mizoram Baptist kohhran hnuaia Pastor Bial hrang hrangte chuan KNP inkhawmpui March 20-22, 2026 chhung khan an hmang. Kan hriat theih chinah KNP inkhawmpui hmangte chu:

Biak in thar hawnna inkhawm hi Rev. Lalrammawia Bialtu Pastor, Sakawrdai Pastor bial-in a kaihruai a, BCM Choir leh Tv. Thawhlehnaniropuia te’n zaia rawngbawlna an nei. Upa Dr. Lallianzuala Hnamte BCM Statistician-in biak in hlan  tawngtaina a neih zawhin Rev. Dr. H. Lalthlamuana General Secretary-in thuchah a sawi.

March 29, 2026 (Pathianni) hi Kohhran ni pawimawh – Tumkau Pathianni (Palm Sunday) a ni a. He Ni hi khawvel pumah kristiante chuan urhsun takin an hmang thin a. Mizoram Baptist kohhran pawhin kohhran ni pawimawh zingah telhin urhsun takin kan hmang thin a ni. Kumin Tumkau Pathianni thupui chu  ‘Lalpa’n a duh  a ni'. (Matthaia 21:3) a ni ang.

Vawiin March 17, 2026 (Thawhlehni) hian BKHP Serchhip Pastor Bial  te chuan BCM hmun pawimawh, BCM Headquarters Office, Archive, Chhawmdawlna In, BCM Bangalow No 1 & 2 ( Sap Upa leh Pu Buanga In) te an tlawh.