Pathianni lo thleng tur, December 7, 2025 hi Mizoram Baptist Kohhran  chuan Sunday School kum tawp exam hun atan a ruat a. Pathianni Chawhma Inkhawm banah Exam hi neih a ni ang. Sunday School zirlai zawng zawngte ţhahnemngai leh dik taka exam turin Christian Education Department Director, Rev. K. Lalnunsanga chuan a sawmin a chah a ni.

Pu Johny Lalmuanawma (Maths Teacher) Baptist English School Serkawn chu November 28, 2025 (Zirtawpni) tlai dar 5:30 khan Christian Hospital Serkawn-ah boralin, a tuk November 29, 2025 (Inrinni) ah Serkawn thlan mual-ah vui liam a ni.

Kan hriat theih chinah  ABC rorel leh Inkhawmpui dawltu Kohhran hrang hrang te chu;

November 11, 2025 (Thawhlehni) khan Baptist Kohhran Hmeichhe Pawl (BKHP) Lawngtlai Vengpui Unit te chuan an unit dinchampha phak kum 60-na Diamond Jubilee ropui takin an lawm.

November 11, 2025 (Thawhlehni) khan Baptist Kohhran Hmeichhe Pawl (BKHP) Lawngtlai Vengpui Unit te chuan an unit dinchampha phak kum 60-na Diamond Jubilee ropui takin an lawm.

November 14, 2025 (Zirtawpni) khan BKHP Maranatha Unit, New Serchhip te chuan BCM hmun pawimawh, Chhawmdawlna In, BCM Headquarters Office, Archive, Baptist Church Orphanage, BCM Bangalow No 1 & 2 ( Sap Upa leh Pu Buanga In) te an tlawh.

November 16 (Pathinni) hi Mizoaram Baptist Kohhran Ni Pawimawh, ‘Naupangte Ni’ a ni a. Kumin Naupangte Ni thupui chu “Fate thutaka awm hlutna” (III Johana 4) tih a ni. Tualchhung Kohhran tinah Thupui hmang hian thuchah ngaihthlak a ni ang a, Tualchhung Kohhran tam zawk chuan He Ni-ah hian Headquarters duh dan angin Naupangte Ni thupui hmangin Naupangte enkawl leh kaihhruai kawnga Nu leh Pate mawhphurhna lam thuchah ngaihtlain hun an hmang thin, Naupangten item hrang hrang hmangin rawngbawlna an nei thin bawk.

November 3, 2025 (Thawhtanni) khi Baptist World Alliance- Hmeichhia te Ṭawngtai Ni (BWA Womens’ Day of Prayer) a ni a. He ni hi kum tinin November Thawhţanni hmasa berah hman ţhin a ni. Mizoram Baptist Kohhran Hmeichhe Pawl (MBKHP) pawhin BKHP member te’n mahni Unit ţheuh-ah Ṭawngţaina hun hi an hmang dawn a ni.

November ni 2, 2025 (Pathianni) hi khawvel Sunday School Ni a ni a, he Ni hi Mizoram Baptist Kohhran chuan kohhran tinah Pathianni zing inkhawmah thupui thlansa hmangin urhsun takin a hmang ţhin a. Kumin Khawvel Sunday School Ni thupui chu “Pathianthu I zir ang u” (Hebrai 4:12, Johana5:35) tih a ni. Hemi ni hian Sunday School lamah pawh Khawvel Sunday School Ni puala zir tur buatsaih chu zir a ni ang.

𝐓𝐡𝐮𝐫𝐞𝐥 𝐭𝐡𝐞𝐧𝐤𝐡𝐚𝐭𝐭𝐞:

Thurel thenkhatte:

October ni 23, 2025 (Ningani) khan Communications Department Committee Meeting Rev. Dr. C. Vanlaldika President kaihhruaina hnuaiah neih a ni.

October 20, 2025 (Thawhţanni zan) khan BMP Zemabawk Unit te chuan  BMP inkhawm banah, ruihhlo ngaite pualin  Aizawl khawlai hmun hrang hrangah an fehchhuak.

Academy of Integrated Christian Studies (AICS) Silver Jubilee Ni hnih awh chu a ni khatna October 18, 2025 (Zirtawp) tlai dar 4:00 khan Food Fest neih a ni a. Food Fest-ah hian Aizawl khawpui chhung TKP Unit 6; Gilead, Zonuam, Emmanuel, Kanaan, Aizawl West leh City Church unit te leh AICS aţangin Naga, Kuki, Arunachal, Garo, Tripura, Myanmar, SCMI leh Eliz Group te’n Food Stall hi siamin, Food Stall 14 a awm a. Nu leh pa, Naupang leh ţhalai eng emaw zatin he food Fest hi chhimin ei tur buatsaih pawh a zo hneh hle a ni.

October 20, 2025 (Thawhtanni) khan KNP Bethel Unit, Haulawng te chuan BCM hmun pawimawh, BCM Headquarters Office, Archive, Baptist Church Orphanage, BCM Bangalow No 1 & 2 ( Sap Upa leh Pu Buanga In) te an tlawh.