Vawiin, September 2, 2026 khan Mizoram Nursing Council chuan General Nursing Midwiferym(GNM) result 2026 a ti chhuak a. Tun tum result tih chhuah-ah hian School of Nursing, Christian Hospital Serkawn chuan result tha tak neiin, Candidates zawng zawng 71 an ni.

August 28, 2026 (Zirtawpni) khan BCM Education Department bul tumin Hnahthial leh a chhehvela Baptist English School te pualin Sunday School Hall, BCM Lungleng, Hnahthial-ah Training on Effective Classroom Teaching neih a ni a. Rbt. HP. Lalremtluanga, DIET, Lunglei chu Resource Person atan hman a ni.

Mizoram Ṭhalai Kristian Pawl (MṬKP) Rorel vawi 72-na BCM Biak In Electric Veng, Lawngtlai South Pastor Bial-a neih chuan Missionary-te tana chawnghei ţawngţai neih a rel bawhzui nan February 27, 2026-a MṬKP Executive committee meeting chuan Unit tinte arual tlangin August 30, 2026 Pathianni tlaiah chawnghei tawngtai nei turin ruahmanna a siam a ni.

August 13, 2026 (Ningani) zing khan BCM Hall, Headquarters Office, Serkawn-ah kumin 2026-a Beirual Thuzir tur ‘Kan hmachhawn khawvel’ tih chu Rev. Vanlalmuankima Associate General Secretary, Service-in Pathian hnenah hlanin a tlangzarh.

Bualte leh Ṭhualṭhu khaw inkara lei min nasa tak avanga khualzin tangkhangte chhawmdawlna atan BCM chuan Charity Fund aţangin khawtlang hruaitute hnenah thilpek an hlan. Bualte leh Thualthu inkar leimin hi July 7, 2026 (Thawhlehni zan) ruahsur nasa tak khan lei ti minin, kawng a ti pinga, a tuk tlai aṭangin khawtlang hian ei leh in tur ngaihtuahsakin an buaipui nghal a ni.

July 6, 2026 (Thawhtanni) khan TKP Hermon Unit, Theiriat te chuan Pangpar khawi training R&D Department te an sawm angin, Pangpangpar khawi Training-ah hian Resource Person atan Nl. Lalbiakengi Chhangte, Chanmari Lunglei hman a ni a. A ni hian zirtirna hun tha tak a hmang.

June 30, 2026 (Thawhlehni) chawhnu dar 2:00pm khan Pi ZD. Lalliansangi, Staff  Nurse Christian Hospital Serkawn-a thawk chu supper Annuation pension-a a chhuat dawn tak avangin Christian Hospital Serkawn a thawhpui te’n Hospipal Chapel-ah amah thlahna hun an hmang.

Lalrochani chhangte (RCI) hi Pu Zosangliana Chhangte leh Kawngkharmawii (Mk-i) te fa paruk zinga a naupang ber dawttu ni turin May 21, 1999 ah Venghlun, Lunglei-ah lo piang a. Naupang thuawi leh thian kawm thiam tak niin, mite ngainat, kohhran leh khawtlangah pawh phak ang tawka inhmang thin a ni.

July ni 5, 2026 Pathianni hi Mizoram Baptist Kohhran Nipawimawh, “Mission Sunday” a ni a. He ni hi kum tin, July Pathianni hmasa berah hman thin a ni. Kumin Mission Sunday-ah hian thupui atan Josua 13:1 (b) “Ram lah chu lak tur a la tam mai si a” tih hman a ni ang.

Mizoram Baptist Kohhran Calendar-a kan hmuh ang leh kum tina Mizoram Baptist Kohhranin kan tih thin angin June Pathianni hnuhnung ber hi Sunday School kum chanve exam ni a lo ni leh ta. Mizoram pumah Pathianni zing inkhawm banah Exam hi neih a ni ang. Senior ‘A’ leh Senior ‘B’ chu a bu ena exam tur a ni a, Pathianni hmasa khan Question hi semchhuah tawh niin mahni in lamah an chhang mek a, Pathianni hian an chhanna an thehlut ang.

Financial Year liam ta, Kum 2025-2026 a BCM pawisa lut leh chhuak endik hna (Internal Audit) zawh fel a nih hnu-in vawiin June 26, 2026 (Zirtawpni) atangin statutory Auditors – Chartered Accountant, NC Das & Company, Guwahati-te chuan BCM hnuaia Account zawng zawng BCM Headquarters  office, Serkawn Meeting room no 1-a Audit an neih chu karleh lamah zawh fel tum a ni.

He inkawmkhawmna MṬKP Vice President leh Thlaraubo man beihpuithlak Committee Chairman ni bawk Pu Jeffrey Lalremruata'n a kaihruai a; MṬKP Rorel vawi 72 na in 'Thlaraubo man beihpuithlak chhunzawm ni se' tia a lo rel angin Mizoram Ṭhalai Kristian Pawl chuan hmalakna tur hrang hrang ruahmanin bul a tan mek a ni.

Tunkar Pathianni June 21, 2026 hi Mizoram Baptist Kohhran Ni pawimawh “Relief Sunday” a ni a. He Ni hi Mizoram Baptist, Tualchhung Kohhran tinah hman a ni ang. Kumin Relief Sunday thupui chu “Pathian nen kan ti thei’ (Phillipi 4:13) tih a ni. Relief Sunday-ah hian Pathianni zing inkhawmah Headquarters leh tualchung kohhran Relief rawngbawlna chanchin report leh thupui thlan sa hmangin thuchah ngaihthlak a ni ang.

Mizoram Ṭhalai Kristian Pawl chuan an dincham kum – 75 na pualin, Group zai Intihsiak an buatsaih a. Inelna hi chhawng hniha neih a ni a. Headquarters Area, Aizawl Area leh Lawngtlai Area ten anmahni Area chhûng ṭheuha an neih tawh hnuin, June Ni 10 & 11, 2026 zanah khan  BCM Headquarters Office, BCM Hall, Serkawn-ah Area tina a ti ṭha zualte hian Final Intihsiakna an nei leh a ni.

June Ni 10, 2026 (Nilaini) a, Pi Lalrinpuii Hon'ble Minister, Health & Family welfare department Pisa-a thawhhona thuthlung an ziak