Lalrochani chhangte (RCI) hi Pu Zosangliana Chhangte leh Kawngkharmawii (Mk-i) te fa paruk zinga a naupang ber dawttu ni turin May 21, 1999 ah Venghlun, Lunglei-ah lo piang a. Naupang thuawi leh thian kawm thiam tak niin, mite ngainat, kohhran leh khawtlangah pawh phak ang tawka inhmang thin a ni.
Rci hi hmeichhe harhvang, hrisel tha tak, dam loh theih lohna em em pawh nei ngai lo a ni a. Pathian rawngbawl nuamti em em mi a ni a, Kum 2021, December 2 khan Baptist Church Orphanage hnuaiah nu leh pa nei lo naupangte enkawl hna thawkin rawng abawl a, he arawngbawlna hi nuam a tiin a hlim thei em em a ni.
Rci hi thuawih leh thawpuite tan pawha kawm nuam tak a nih mai bakah naupangte hmangaihna tak tak nen a enkawl thin mi (Nu nih tling tak) a ni a. Chutia nuamti leh hlim taka rawng abawl lai chuan a taksa lamah insawiselna neiin, June 8, 2026 (Thawhtanni) ah Faith Hospital-ah in entirin, Rannung seh, Typhoid, Malaria leh Septicemia natna te hmuhchhuah a ni a, Admit nghal a ni.
Hmasawn lam aiin zual lam a pan zel avangin a tuk, June ni 9, 2026 (Thawhlehni)ah ZMC pan pui nghal a ni a, a natna te a zual tak zel avangin ICU-ah hial awm a lo ngai ta a, ZMC-ah khum ruak a awmloh avangin June ni 10, 2026 (Nilaini) zing dar 3:00 ah Trinity ICU-ah dah luh a ni.
Treatment chi hrang hrang pek nghal niin, CT Scan, MRI leh thisen test chi hrang hrangte neih leh a ni a, heta tang hian Septicemia-ah pawh a hlauhawm ber chi hmuh chhuah a ni. He natna hian a taksa peng hrang hrang ei chhia in, thisen unit eng emaw zat pek a ni. Dialysis te pawh tih a ni.
Kohhran hote leh mimal ten theihtawpa Pathian hnena a dam nan an dilna chu, Chawl hlen tawh tura chhan ni ta zawkin, July 2, 2026 (Ninga ni) zing dar 6:36 khan kohna pawimawh ber Van kohna chu chhangin min kalsan ta a ni.
July 3, 2026 (Zirtawpni) ah ama chena In Venghlun-ah vuina hun hman a ni a. Upa F. Zanguri’n hun a vawnga, Rev. K. Laldosanga, Manager BCO-in a chanchin tlangpui sawiin, Chhungkaw ai awhin, A pa Pu Zosangliana Chhangte in a sawi. Rahsiveng Bialtu Pastor, Rev. Dr. F. Lalsangliana’n vuina thuchah tha tak tak sawiin, Pathian tana chhawr na awm tak, mi nunnem, chhungkaw ti hlim thin em em leh, a maha mi zawng zawng leng chu, Ropui taka thlah liam a ni ta.
Rci boral chung changah hian Baptist Church Orphanage (BCO) mai bakah BCM tan chuan channa nasa tak a ni.
