July 25, 2024 (Ningani) zing khan BCM Hall, Headquarters Offce, Serkawn-ah kumin 2024-a Beirual Thuzir tur ‘Ringtu Nun’ tih chu Rev. R. Lalbiakliana, General Secretary-in Pathian hnenah hlanin a tlangzarh.
July 22-26, 2024 khan Buarpui leh Aizawl ah te tun hnaia thli leh ruah avanga chhiatna hrang hrang tuarte hnenah BCM Relief & Development Department chuan Chhawmdawlna leh tanpuina a sem a. Heng chhawmdawlna te hi R&D Department hotute - Director Rev L.Vanlalsanga,Co-ordinator Rbt Lalrinawma leh Asst Co-ordinator Nl T. Lalfawnveli leh Pu Lalhriatpuia, Driver ten kengin Pastor Bial hrang hrangah tanpuina hi an pe a ni.
Mizoram Baptist Kohran - Mission Department-in Kohhrante Mission rawngbawlnaa hma kan sawn nan leh mission rilru kan put ngheh deuh deuh theihna atan Mission Inkhawmpui buatsaih ni se ti-a ruahmanna an siam angin Lawngtlai, Lunglei eh Aizawl-ah te Pastor Bial 2/3 huapin Mission Inkhawmpui hi neih turin ruahman a ni a. A hmasa ber atan July 19-21 khan Lawngtlai khawpui chhunga Pastor Bial pathum - Lawngtlai North, Lawngtlai South leh Lawngtlai East Pastor bial te infinin BCM Biak In, Chanmari, Lawngtlaiah Mission Inkhawmpui hi tluang takin neih a ni. nkhawmpui thupui-ah Joshua 3:1 thu ‘Ram lak tur lah chu a la tam mai si a’ tih chu hman a ni. He Inkhawmpui-ah hian Sepaker-ah Rev. Dr. R. Lalthanmawia, AGS Mission leh Rev. Lalremsiama, Mission Director te hmangin, Resource person-ah Pu T. Nghaksanga Mission Promoter hman a ni bawk.
July 19,2024 (Zirtawpni)khan BCM Hall, Headquarters Office, Serkawn-ah Cambodia-a BCM Missionary thawk lai - Rev. J. Lalduhawma lehkhabu ziak ‘Cambodia’ tih chu Rev. R. Lalbiakliana, General Secretary-in a tlangzarh.
BKHP Zotlang Pastor Bial, Aizawl chuan Bial chhunga BKHP Unit hrang hrang te huapin July 17, 2024 (Nilaini) khan 'Pathian \ih – Chhuan Thar Din’ tih thupui hmangin Seminar an nei a. Resource Person-ah NexGen Organisation te an hmang.
Higher and Technical Institute, Mizoram (HATIM) chuan HATIM Students Council (HSC) huaihawtin, kumin a zirlai tharte lawmna ‘Fresher’s Day’ chu Ni 15 July, 2024 (Thawhtanni) khan College Auditorium ah an hmang.
July 14, 2024 Pathianni chawhnu khan ṬKP Bawngkawn Pastor Bial chuan kum 2024 atana Bial Rorel in a lo pass tawh ‘Bial Dang Nena Joint Fellowship neih’ tih thu bawhzuiin, TKP Zemabawk Pastor Bial te nen intawhkhawmna an nei. TKP member thahnem tak an kalkhawm a ni.
July 9, 2024 khan Headquarters Office General Secretary Room-ah Higher And Technical Institute, Mizoram (HATIM) a Department of History te chuan thawhhona thuthlung (Collaboration Agreement) an ziak a. He hunah hian Archive hotute General Secretary leh Archivist Upa MS Dawngliana ten hming ziakin, HATIM aiawhin Principal Pu Pu Vuansanga Vanchhawng leh Pu Benjamin Lalnunfima, Head of Department (History) ten hming an ziak bawk. He hunah hian hriatpuitu leh tawiawmtu Office staff thenkhat te leh HATIM lama thawktu te an tel a ni.
July 14, 2024 Pathianni khan General Secretary Rev. R. Lalbiakliana chu Chithar Kohhran, Vaisam Pastor Bial tlawhin a kal a, General Secretary hi BCM Choir ten zaia rawngbawlin an tawiawm a, BCM Choir bakah hian Dr.Irene Colbert, Tv. F. Lalrammawia, Production Assistant, Audio Visual leh Pu Lalruatliana Ralte (Driver) ten an tawiawm a ni.
Heng a hnuaia hming tar lante hi BHSS-a thawk tur Mathematics(Lecturer), Written Exam-a tlingte an ni a. August 18, 2024 (Thursday)- Dar 11:00 Am-ah DEO Offce Lunglei-ah Interview hmachhawn tur a ni ang.
July 13 leh 14, 2024 hmang khan Thingsai Pastor Bial Sunday School Seminar BCM Biak In, Thingsaiah neih a ni a, Sunday School Trainer pahnih - Upa Laldingliana Lianhna leh Upa P.C.Vanlalrova te Resource person-ah hma an ni. Tun tumah hian Thingsai Bial chhunga Kohhran paruk atangin zirtitu leh Sunday School puipa 120 an kal khawm a ni.
July 13-14, 2024 hmang khan Ṭhalai Kristian Pawl (ṬKP), Aizawl East Pastor Bial Intawhkhawm, BCM Biak In, Electric Vengah neih a ni a, Thupuiah, "I vanglai hian i Siamtu hre reng rawh," Thuhriltu 12:1 chu hman niin, Speaker atan Rev. F. Zorinkhuma, Secretary, MṬKP chu hman a ni. MTKP executive Committee Member Rbt Joseph B. Zirsangzuala Resource person-ah hman a ni a, Besy Choir leh Aizawl Area Baptist Choir ten zaia rawngbawlin an tawiawm bawk. Anni bakah hian bial pawn aṭangin TKP hruaitute leh member engemawzatin an ṭawiawm bawk.
Baptist Higher Secondary School, Serkawn-a High School Teacher (Methematics leh General) a thawk tur Written Exam leh Interview hun, Advertisement-a chhuah tawh chu remchan zawkna avangin a hnuai ami ang hian tihdanglam a ni.
July 7-12 chhung hian Khawvel pum Baptist Kohhran Inzawmkhawm (Baptist World Alliance) Rorelna sang ber Annual Council Meeting – BWA Annual Gathering ni bawk chu Lagos, Nigeria-ah neih a ni a. He Annual Council Meeting-ah hian BCM aiawhin President Rev. F. Ramdinmawia leh AGS Mission Rev. Dr. R. Lalthanmawia tean kal a, Meeting-ah hian telin hun an hmang mek
July 22-26, 2024 khan Buarpui leh Aizawl ah te tun hnaia thli leh ruah avanga chhiatna hrang hrang tuarte hnenah BCM Relief & Development Department chuan Chhawmdawlna leh tanpuina a sem a. Heng chhawmdawlna te hi R&D Department hotute - Director Rev L.Vanlalsanga,Co-ordinator Rbt Lalrinawma leh Asst Co-ordinator Nl T. Lalfawnveli leh Pu Lalhriatpuia, Driver ten kengin Pastor Bial hrang hrangah tanpuina hi an pe a ni. …
Mizoram Baptist Kohran - Mission Department-in Kohhrante Mission rawngbawlnaa hma kan sawn nan leh mission rilru kan put ngheh deuh deuh theihna atan Mission Inkhawmpui buatsaih ni se ti-a ruahmanna an siam angin Lawngtlai, Lunglei eh Aizawl-ah te Pastor Bial 2/3 huapin Mission Inkhawmpui hi neih turin ruahman a ni a. A hmasa ber atan July 19-21 khan Lawngtlai khawpui chhunga Pastor Bial pathum - Lawngtlai North, Lawngtlai South leh Lawngtlai East Pastor bial te infinin BCM Biak In, Chanmari, Lawngtlaiah Mission Inkhawmpui hi tluang takin neih a ni. nkhawmpui thupui-ah Joshua 3:1 thu ‘Ram lak tur lah chu a la tam mai si a’ tih chu hman a ni. He Inkhawmpui-ah hian Sepaker-ah Rev. Dr. R. Lalthanmawia, AGS Mission leh Rev. Lalremsiama, Mission Director te hmangin, Resource person-ah Pu T. Nghaksanga Mission Promoter hman a ni bawk. …
Welcome
The Baptist Church of Mizoram is honoured to present this website that helps us to better understand and spread the Gospel of The Lord..