General Secretary- Mission Field tlawhin a zin chhuak.

By Communications Dept.BCM

General Secretary - Rev. R. Lalbiakliana chu April 22 khan Arunachal West Field tlawh turin Headquarters a chhuahsan a. April 25, ningani ah Apatani hnam zinga rawngbawlna Ziro an tlawh a, a tuk zirtawp ah Nissi hnam zinga kan rawngbawlna Naharlagun leh Itanagar te tlawhin zan an riak a, heng ah te hian missionary te leh a ram mi kan thawhpui kohhran hruaitu te nena inkawmhona hun te an nei a ni. General Secretary zinchhuak hi  a nupui Dr. Irene Cobert leh Upa R. Lalbiakmuana, Account Officer ten an tawiawm a ni.

General Secretary te hi Vawiinah Shillong panin an lo chhuak a, Shillongah Pathianni chamin, Office thil tul hrang hrang te an ti nghal ang. Karlehah Aizawl-ah lo let-in, Aizawl-ah hian Council of Chhurches in Mizoram dinna tura thil pawimawh leh tul te buaipuiin hun a hmang ang a, May 3 ah Theological Education Committee Meeting, AICS-ah a tel nghal ang. 

Medical & Health Department, Christian Hospital, Serkawn-a Thawk lai, Pu C. Vanlalnghaka kan then ta.

Medical & Health Department, Christian Hospital, Serkawn-a Thawk lai, Pu C. Vanlalnghaka kan then ta.

Mizoram Baptist Kohhran, Medical & Health Department, Christian Hospital, Serkawn-a LDC hna thawk mek Pu C. Vanlalnghaka chu. May 1, 2024 (Nilaini) chawhma dar 11:40 khan Christian Medical College & Hospital, Vellore -ah chatuan ram min pan san ta. …

AICS-a Pathian Thu zir tur leh Church Music zir tur lak thar a ni.

AICS-a Pathian Thu zir tur leh Church Music zir tur lak thar a ni.

Mizoram Baptist Kohhran,  Theological Education Committee Meeting May 3, 2024-a neih chuan Academic Session thar 2024-2025 atan Pathianthu leh Church Music zir tur hetiang hian a la thar. 1. Master of Theology (M.Th) zir tur mi - 9 2. Bachelor of Divinity (B.D) zir tur- 24 3. Master of Divinity - 5 4. Diploma in Church Music zir tur  – 3 Result kimchang hre duh tan a hnuaia link tarlan ah hian en theih a ni a, tin PDF file hi download theih a ni e. …

BKHP Day hman a ni.

BKHP Day hman a ni.

#May 2, 2024 kha Baptist Kohhran Hmeichhe Pawl (BKHP) din champha phak vawi 86-na a ni a. Kumin BKHP Day thupui chu “Tho la i Pathian ko rawh’ (Jona 1:6) a ni. MBKHP lam atanga ruahman leh ngenna an siam angin hemi ni zing kar leh chhun lama hun hmang thei te chuan Khawtlang tana thil tha tihna atan hmangin khawlai tihfai hna te an thawk a, zan lam-ah BKHP Day pualin inkhawmin, thupui thlan sa hmangin thuchah ngaihthlak a ni. Hemi Ni pual inkhawm thawhlawm hi Mission Field leh Kohhran harsa zual tanpui nan hman tura ruahman a ni. …