MBKHP Executive Committee Meeting neih a ni:

By Communications Dept.BCM

 

May 21, 2024 (Thawhlehni) khan BCM Biak In, Venglai Committee Hall-ah MBKHP Executive Committee Meeting neih a ni a. BMKHP President Pi HK Lallianzauvi’n meeting kaihruaiin, Secretary Lalhmingmawii Chongthu hnen atangin MBKHP rawngbawlna report tlangpui ngaihthlak a ni.

Report chuan - Tlawh khat Bial tlawh tura Bial pasarih thlanchhuahte dawr tawh an nih thu te, MBKHP Hruaitu Retreat June 13-15-a neih turah Speaker atan Rev. Dr. R. Lalthanmawia, AGS Mission dawr fel a nih thu te, October 1-3, 2024-a IBWU Assembly, Chennai-a neih turah MBKHP atangin mi 25 kal tura an rawn tih thu te tarlangin, Kum 2024-2027 chhung atana Grace Society Board member ruat fel an nih thu te, NEICCWA Tawngtai hun atan June thla BKHP Inkhawm zana hmang tura tih a nih thu te, NEICC Biennial Assembly Jalukie, Nagaland-a neihah MBKHP aiawhin NEICCWA-a Executive Committee member Rbt. V. Biaklawmi a tel thu te report-ah hian tarlan a ni bawk.

Meeting thurel zingah – Tlawh khat bial tlawh tura thlan chhuah te tlawh dan tur leh ruahmanna te siam a ni a, Kum 2026 BKHP Day thupui atan “Lawm chungin Lalpa rawng bawl ula” tih chu thlan fel a ni. Lawngtlai Area BKHP Budget cheng nuai khat 100,000/- ruahmanna pawmpui tura an rawn thlen chu pawmpuiin, Chhawmdawlna In Building OB leh Committee member tur MBKHP OB meeting-in a ruat te pawmpui a ni bawk. Heng bakah hian MBKHP Inkaihhruaina te en hovin, kum 2024-2025 atana MBKHP Rorel thu dah leh Plan bawhzui dan tur te an ngaihtuah bawk.

 

Beirual thu zir tur Pathian hnena hlanna neih a ni.

Beirual thu zir tur Pathian hnena hlanna neih a ni.

July 25, 2024 (Ningani) zing khan BCM Hall, Headquarters Offce, Serkawn-ah kumin 2024-a Beirual Thuzir tur ‘Ringtu Nun’ tih chu Rev. R. Lalbiakliana, General Secretary-in Pathian hnenah hlanin a tlangzarh. …

R&D-in Thli leh ruah avanga chhiat tawka tanpuina a pe

R&D-in Thli leh ruah avanga chhiat tawka tanpuina a pe

July 22-26, 2024 khan Buarpui leh Aizawl ah te tun hnaia thli leh ruah avanga chhiatna hrang hrang tuarte hnenah BCM Relief & Development Department chuan Chhawmdawlna leh tanpuina a sem a. Heng chhawmdawlna te hi R&D Department hotute -  Director Rev L.Vanlalsanga,Co-ordinator Rbt Lalrinawma leh Asst Co-ordinator Nl T. Lalfawnveli leh Pu Lalhriatpuia, Driver ten kengin Pastor Bial hrang hrangah tanpuina hi an pe a ni. …

Mission Inkhawmpui neih chhoh meka ni.

Mission Inkhawmpui neih chhoh meka ni.

Mizoram Baptist Kohran - Mission Department-in Kohhrante Mission rawngbawlnaa hma kan sawn nan leh mission rilru kan put ngheh deuh deuh theihna atan Mission Inkhawmpui buatsaih ni se ti-a ruahmanna an siam angin Lawngtlai, Lunglei eh Aizawl-ah te Pastor Bial 2/3 huapin Mission Inkhawmpui hi neih turin ruahman a ni a. A hmasa ber atan July 19-21 khan Lawngtlai khawpui chhunga Pastor Bial pathum - Lawngtlai North, Lawngtlai South leh Lawngtlai East Pastor bial te infinin BCM Biak In, Chanmari, Lawngtlaiah Mission Inkhawmpui hi tluang takin neih a ni. nkhawmpui thupui-ah Joshua 3:1 thu  ‘Ram lak tur lah chu a la tam mai si a’ tih chu hman a ni.  He Inkhawmpui-ah hian Sepaker-ah Rev. Dr. R. Lalthanmawia, AGS Mission leh Rev. Lalremsiama, Mission Director te hmangin, Resource person-ah  Pu T. Nghaksanga Mission Promoter hman a ni bawk. …