April 26-28, 2024 hmang khan Thalai Kristian pawl, Lawngtlai South Pastor Bial te chuan kum chanve intawhkhawm leh Crusade an nei a. Speaker-ah Rev. Dr. R. Lalthanmawia, AGS-Mission hmangin thupui-ah ‘Thalaite leh rawngbawlna’ tih hman a ni.
Zirtawpni zan, Inrinni zan, Pathiani zing leh Pathianni zan-ah te Pathian Biak Inkhawm neiin, Speaker hnen atangin thuchah ngaihtlak thin a ni a, Pathianni chawhnu ah, "Human Resource Campaign" neiin Resource Person-ah Upa R.Lalhmachhuana, SBI Chief Manager, Lawngtlai hman a ni.
He hunah hian Lawngtlai Area Baptist Choir te, Lawngtlai East Pastor Bial zaipawl te, Lawngtlai South Pastor Bial zaipawl te leh Tv. R. Lalhmingmawia ten hmanpuiin zaia rawngbawlna an nei a, Bial chhunga Unit hrang hrang zaipawl te, Group zai leh mimal zaithiam ten Inkhawm leh fellowship-ah fakna hla saa rawngbawlna an nei bawk.
