TKP Ramthim Ni Unit tinah hman a ni dawn

 

Vawiin, May 29, 2024 (Nilaini)hi Mizoram Baptist Kohhran Ni pawimawh (Special Day) “TKP Ramthim Ni”a ni a. Kumin TKP Ramthim Ni thupui chu “Krista hmangaihna chuan min tir lui a ni” (II Kor. 5:13-15) tih a ni.  TKP Ramthim Ni-ah hian MTKP atanga ruahmanna an siam zul zuiin Unit tinah inkhawm leh tawngtai programme te siamin, urhsun takin hun an hmang thin a, Mission rawngbawlna lama Thalaite cho thar leh nan te, Missionary te puala tawngtai leh Tawngtai programme te siam thin a ni.

Kumin TKP Ramthim Ni-ah pawh MTKP  lam atangin tawngtai subject siam a ni a, TKP Ramthim Ni puala tawngtaina hmang theuh turin MTKP  chuan Unit tina TKP member te leh Kohhran mite a chah  a ni.

MTKP hruaitute (Office bearers leh Executive Committee Member (ECM) te pawh hemi ni hmanpui hian TKP Unit hrang hrangah hetiang hian an fehchuak ang.

Kal tute

 

Kalna tur Unit

Upa R.Lalrochama President, MTKP

 

Electric Veng Unit, Aizawl

Rbt F. Lalremruatpuia, Vice President &

Nl. H. Lalengliani (ECM)

 

Zotlang North Unit, Zotlang Bial

Rev F. Zorinkhuma, Secretary, Pu K. Lalrintluanga (ECM) & Rbt Zohmangaiha (ECM)

 

Ramlaitui Unit, Thenzawl Bial

Rbt. K.Lalawmpuia Asst.Secretary

 

Ramhlun South Unit, Aizawl

Upa Lalchhanhima Fanchun, Senior Adviser & Rbt N. Rosangliana (ECM)

 

College Veng Unit, Lawngtlai S Bial

Upa PC Vanlalrova Senior Adviser,MṬKP

 

Armed Veng South, Aizawl

Nl. J.Lalrintluanga, Treasurer &  Rbt S. Lalhruaitluanga (ECM)

 

Hermon Unit, Theiriat Bial

Rbt.H.Lalruatkima Fin.Secretary,

 

Bawngkawn Unit, Aizawl

Rbt F. Lalrinzuala & Rbt Lalbiaknia Chhakchhuak (ECM)

 

South Phaileng Unit, Haulawng Bial

Pu Lalhlimpuia Pachuau, Pu PC. Lalhmangaiha & Tv K. Lalremkima(ECM)

 

Sairep Unit, Zobawk South Bial

Rbt Joseph B. Zirsangzualam  &

Nl Nancy Lalmuankimi (ECM)

 

Mualcheng South Unit, Tawipui Bial

Rbt LH. Lalhmangaiha & Nl Grace Lalrindiki(ECM)

 

Lunglawn East Unit, Lunglawn Bial

Tv C. Lalroluahpuia(ECM)

 

Lunglawn Unit, Lunglawn Bial

Chanchinmawia Fanai, (ECM)

 

Lengpui Unit, Lengpui Bial

Rbt.PC Lalbiakdika (ECM)

 

Bethlehem Vengthlang, Aizawl

Pu Lalrammuana Sailo (ECM)

 

Kanaan Unit, Aizawl

Pu C. Lalthakunga (ECM)

 

Zemabawk Unit, Aizawl

Rbt. Joseph Lalhmingthanga (ECM)

 

Shalom Unit, Aizawl

Jeffrey Lalrtemruata (ECM)

 

MṬKP Luangmual Unit

P. Lalremruata (ECM)

 

Republic Vengthlang

 

................................................


TKP RAMTHIM NI LO PIAN CHUAH DAN 

TKP hian din a nih tirh atangin Ramthim veina lian tak a neih avangin Ramthim rawngbawlna lamah pawh hma a la hma hle a. District TKP Inkhawmpui hmasa ber, Oct 21-23, 1955 (Pukpui)-ah chuan Agenda “TKP hminga Thuhriltu tirh” tih hi ngaihtuah a ni. Inkhawmpui vawi hnihna 1956 (Hnahchang)-ah pawh “Tuikuk Takam pual bik neih” tih rel a ni leh a. Mahni remchan angin Tuikuk-Takam pual hian hun an lo hmang thin a, thawhlawm an lakkhawm pawh Ramthim puala hman atan Headquarters-ah chhunluh thin a ni.

1959-ah chuan ‘District TKP Tuikuk-Takam Ni’ atan October 5 (Thawhtan ni) hman nise tih a ni a, 1960-ah chuan September thla Thawhtan ni hnuhnung ber hman nise tiin a rel leh a, chumi kum chuan September thla thawhtan ni hnuhnung ber chu September 26 a ni. September 26 hi hun rei tak chhung chu Ramthim Ni atan hman zui a ni ta a ni. “Tuikuk-Takam Ni” tih chu huap zim deuhva hriat a nih avangin 1969-ah chuan ‘Ramthim ni’ tiin thlak a ni.

Amaherawh chu September thla hi Beirual thla a nih avangin TKP tana Ramthim ni hman hi a remchang tawk lo deuh thin a. Kum 2006 MTKP (S.Vanlaiphai) Rorelna chuan  May thlaah sawn nise tiin a rel a. MTKP Executive Committee chuan bawhzuiin BCM-in ram pawna missionary a tirh chhuah hmasak ber, Rev.H. Rokhama-te nupa tirh chhuah ni, May 29, 1968 denchhenin May 29 hi TKP Ramthimni atan a ruat fel ta a. Kum 2007 atang chuan TKP Ramthim Ni hi May 29-ah hman a ni ta a ni. TKP Ramthim Ni-ah hian Unit tinah inkhawm buatsaihin, thawhlawm pawh Headquarters-ah lutin Mission rawngbawlna atan hman thin a ni.

India Mission Association – Global Mission Summit leh Conference neih a ni

India Mission Association – Global Mission Summit leh Conference neih a ni

India Missions Association buatsaihin Zarkawt Prebyterian Kohhan Biak-inah-ah Global Mission Summit – 2024 chu June 11, 2024(Thawhlehni) zan atang khan neih tan a ni a.  Summit thupuiah II Korinth 10:16 thu “ in ram piah lamah pawh Chanchin Ṭha chu kan la hril zêl ang” tih thu hman a ni. He Summit ah hian Mizoram Baptist Kohhran aiawhin AGS-Mission - Rev. Dr. R. Lalthanmawia leh Mission Director Rev. Lalremsiama Ralte te an tel a, IMA Committee member ni lai Pastor te leh Kohhran Upa engemawzat an tel bawk a ni.  Global Mission Summit hi June 14, 2024 (Zirtawp) zah an tiak ang. …

Phawngpui West pastor Bial TKP ten Fakna Inkhawmpui an nei

Phawngpui West pastor Bial TKP ten Fakna Inkhawmpui an nei

Thalai Kristian pawl, Phawngpui West Pastor Bial chuan May 7-9, 2024 hmang khan BCM Biak In, Vartek-ah - Sam No. 103:1 thu – “Aw ka nunna Lalpa chu fak la” tih thupui hmangin Fakna Inkhawmpui an nei a. Speaker-ah Rev. Lallianmawia, Bialtu pastor an hmang. He Fakn Inkhawmpui hi Lawngtlai Area Baptist Choir te, zaithiam Nl. KC Vanlalzami (Aizawl), Tv. R. Laldinpuia (Lawngtlai), Tv. Francis HC Zorammuana (Lawngtlai) leh Nl. LP Zairimawii (Lawngtlai)  ten zaia rawngbawlin an hmanpui a ni. …

Pangzawl pastor bial-ah Upa leh rawngbawltu Seminar neih a ni.

Pangzawl pastor bial-ah Upa leh rawngbawltu Seminar neih a ni.

June ni 8, 2024, Inrinni khan Pangzawl pastor bial rorel thu pass tihlawhtlingin Kohhran upa leh Rawngbawltute pualin seminar neih a ni. Seminar ah hian Rev. PC. Lalmuankima, bialtu pastor chu resource person niin, hruaitu tha nih theih nana pawimawh hrang hrang, Kohhran chawm nana pawimawh hrang hrang, thuhril rawngbawl hna thawhna kawnga inbuatsaih dan tur te zirho niin, sawiho tura chhawp chhuah hrang hrang te sawi ho a ni bawk. …