Pu Lalruatkima, Administrative Officer BCM Hqrs. Office chu Zomi Baptist Church Youth Conference vawi 4-na hmanpui leh Kohhran thilpawimawh hrang hrang buaipuia USA a zin chu July 30, 2024 khan dam takin Headquarters a lo thleng leh ta.

General Secretary - Rev R. Lalbiakliana & Retired Minister - Rev F. Sangvela te chu July 29, 2024 (Thawhtanni) khan South Asia Theological & Seminary, Bangalore chuan Honorary Doctoral Degree an pe.

BCM Education Department Committee Meeting dated 1st August, 2024-a neih chuan heng a hnuaia hming tar lante hi Assistant Professor(Philosophy) – Contract & High School Teacher (General) – Contract, Higher and Technical Institute, Mizoram (HATIM) leh Baptist Higher Seconday School, Serkawn-a thawk turin a la thar a. 5th August, 2024 (Monday) Dar 10:30 Am-ah Director, Education Department, BCM hnenah Joining Report an pek hnuin an thawhna hmun zawm tura tih an ni.

July 27 -28,2024 hmang khan Hnahthial khawpui chhunga Pastor Bial pathum – Hnahthial North, Hnahthial South, Bazar Pastor Bial te huapin Communications & Literature Campaign neih a ni. He Campaign-ah hian Headquarters atangin Rev R. Lalnunzira AGS(Service), Rev Dr. Lalzârliana, Director Communications, Literature & Printing Depts, Rev Dr F. Lâlsângliana Editor Kohhran Beng & Baptist Today leh Upa Lalbiakthanga Chawngthu, Circulation Manager leh Upa R Lalbiakmuana Acount officer te an kal.

BCM Mission Working Committee Meeting No – 10 (31st July 2024) chuan Mission Board Committee aiawhin a hnuaia hming tarlante hi Tent Maker Missionary, Other Mission ‘C’ (Cambodia)-a thawk turin a la thar.

Tv. L. Malsawmtluanga (22) Arunachal East Field, Galo Baptist English School, Tirbin-a Emanuel Kohhran, Luangmual Aizawl chawm (Sponsored) - a Missionary thawk lai chu, July 28, 2024 - tlai lama an Quarters bul hnai luiah inbualin, vanduai thlak taka che sualin,  tui zangkhauhin la-in,  a chetsualna atanga metre 500 velah hmuh a ni a, theihtawpa a nunna chhan tuma beih a nih hnu-ah a nunna chhan theih a ni ta lo a ni.

July 30, 2024 (Thawhlehni) hi Ṭhalai Kristian Pawl (ṬKP) din champha vawi 73-na a ni a. Kumin ṬKP Day thupui chu “I Pathian tawk turin inpeih rawh’(Amosa 4:12) tih a ni ang. ṬKP Day hi kum tinin member ten urhsun takin an hmang thin a. Unit tam zawk chuan zing karah Social Service thawkin vantlang hmun leh Biak In leh a chhehvel te an tifai a, Zan lamah MṬKP atanga programme duansa angin Unit tinah ṬKP Day lawmna Inkhawm urhsun takin an nei thin a ni.

July 25, 2024 (Ningani) zing khan BCM Hall, Headquarters Offce, Serkawn-ah kumin 2024-a Beirual Thuzir tur ‘Ringtu Nun’ tih chu Rev. R. Lalbiakliana, General Secretary-in Pathian hnenah hlanin a tlangzarh.

July 22-26, 2024 khan Buarpui leh Aizawl ah te tun hnaia thli leh ruah avanga chhiatna hrang hrang tuarte hnenah BCM Relief & Development Department chuan Chhawmdawlna leh tanpuina a sem a. Heng chhawmdawlna te hi R&D Department hotute -  Director Rev L.Vanlalsanga,Co-ordinator Rbt Lalrinawma leh Asst Co-ordinator Nl T. Lalfawnveli leh Pu Lalhriatpuia, Driver ten kengin Pastor Bial hrang hrangah tanpuina hi an pe a ni.

Mizoram Baptist Kohran - Mission Department-in Kohhrante Mission rawngbawlnaa hma kan sawn nan leh mission rilru kan put ngheh deuh deuh theihna atan Mission Inkhawmpui buatsaih ni se ti-a ruahmanna an siam angin Lawngtlai, Lunglei eh Aizawl-ah te Pastor Bial 2/3 huapin Mission Inkhawmpui hi neih turin ruahman a ni a. A hmasa ber atan July 19-21 khan Lawngtlai khawpui chhunga Pastor Bial pathum - Lawngtlai North, Lawngtlai South leh Lawngtlai East Pastor bial te infinin BCM Biak In, Chanmari, Lawngtlaiah Mission Inkhawmpui hi tluang takin neih a ni. nkhawmpui thupui-ah Joshua 3:1 thu  ‘Ram lak tur lah chu a la tam mai si a’ tih chu hman a ni.  He Inkhawmpui-ah hian Sepaker-ah Rev. Dr. R. Lalthanmawia, AGS Mission leh Rev. Lalremsiama, Mission Director te hmangin, Resource person-ah  Pu T. Nghaksanga Mission Promoter hman a ni bawk.

July 19,2024 (Zirtawpni)khan BCM Hall, Headquarters Office, Serkawn-ah Cambodia-a BCM Missionary thawk lai - Rev. J. Lalduhawma lehkhabu ziak ‘Cambodia’ tih chu Rev. R. Lalbiakliana, General Secretary-in a tlangzarh.

BKHP Zotlang Pastor Bial, Aizawl chuan Bial chhunga BKHP Unit hrang hrang te huapin July 17, 2024 (Nilaini) khan 'Pathian \ih – Chhuan Thar Din’ tih thupui hmangin Seminar an nei a. Resource Person-ah NexGen Organisation te an hmang.

Higher and Technical Institute, Mizoram (HATIM) chuan HATIM Students Council (HSC) huaihawtin, kumin a zirlai tharte lawmna ‘Fresher’s Day’ chu Ni 15 July, 2024 (Thawhtanni) khan College Auditorium ah an hmang.

July 14, 2024 Pathianni chawhnu khan ṬKP Bawngkawn Pastor Bial chuan kum 2024 atana Bial Rorel in a lo pass tawh ‘Bial Dang Nena Joint Fellowship neih’ tih thu bawhzuiin, TKP Zemabawk Pastor Bial te nen intawhkhawmna an nei. TKP member thahnem tak an kalkhawm a ni.

July 9, 2024 khan Headquarters Office General Secretary Room-ah Higher And Technical Institute, Mizoram (HATIM) a Department of History te chuan thawhhona thuthlung (Collaboration Agreement)  an ziak a. He hunah hian Archive hotute General Secretary leh Archivist Upa MS Dawngliana ten hming ziakin, HATIM aiawhin Principal Pu Pu Vuansanga Vanchhawng leh Pu Benjamin Lalnunfima, Head of Department (History) ten hming an ziak bawk. He hunah hian hriatpuitu leh tawiawmtu Office staff thenkhat te leh HATIM lama thawktu te an tel a ni.