Lawmman

- K. Hrangchhunga

Lawmman hi Ringtute thiltih that hrang hrang avanga dawn theih a ni a, tam tak chuan Chhandamna nen kan ngaihpawlh fo thin. Chhandamna hi chu Pathian thilthlawnpek liau liau a ni a, a dawn theihna hmanraw awm chhun chu Rinna a ni. Mi thenkhat chuan Thupuan 2:10 a mi “Thih thlengin RINAWMIN lo awm rawh, tichuan Nunna Lallukhum ka pe ang che”, tih te hi lachhuakin Chhandamna emaw an ti mai thin a. Mahse chutiang ni lo vin lawmman (Lallukhum) a ni a sawi tih hi theihnghhilh lo hram ang u.

Ringtute tan hian rinawm loh hi a pawi love tih lam a ni lo va, rinawm leh chhel takin harsatna karah pawh thahnemngai taka rawng bawl tura zirtir leh fuih tlat kan ni. Pakhat leh ah chuan Mathaia 24:13 thu-a, “A tawp thlenga tuar peih apiang chu, chu mi ngei chu Chhandamin a awm ang”, tih hi an la chhuak bawk thin.

Helai thu hi ngun taka kan en chuan khawngaihna hun ral hnu-ah (Mithianghlim lawr) khawvel hi a la awm zel rih dawn a. thlarau thianghimin Krista mo ‘Kohhrante’ hi a pasal Isua Krista hnenah a hlan tawh dawn a. Khawvelah hian hrehawmna rapthlak tak a lo thleng dawn thung a ni. Ringtute chu boruakah lak chhohin kan awm dawn a, hetih lai hian khawvelah sakawlh rorelna hnuaiah hrehawmna rapthlak tak tunhma pawha la awm ngai lo, tunhnu pawha awm leh tawh lo tur chu a thleng dawn a. Sakawlh rorelna hnuaiah hian Israel ten an “Ram chanchin Tha” chu khawvel zawng zawngah an hril leh dawn a, hetih laia Israel hote lo tanpui leh Tuisik no khat chauh lo pek pawh martar huama tih a ngai dawn a ni.

Heng hun laia hrehawmna paltlang leh tuar hram hram tute, kum sang Lalram-a lawmluh vein an awm dawn tih sawina a ni a, tun khawngaihna hun kan tih chhung ami a ni lo tih i hrethiam ang u. Keini ringtute chu boruakah khian lak chhohvin kan awm dawn a, hemi hun hi Tirhkoh Paula chuan “Isua Krista Ni” tiin a vuah a (I Kor 1:8; II Kor 1:14; Phil 1:6; Phil 2:16) Isua Krista rorelna hmaah ringtute hi kan inlan theuh dawn a, vanram kai leh kai loh chungchangah chuan engmah hlauh tur a awm chunga lo. Thiam chang sa rorelna mai a ni a. Amaherawhchu lawmman semna leh channa a ni thung ang. Bible-in min hrilh danin lawmman Lallukhum chi hrang hrang a awm dawn a, chungte chu i lo thlir den den teh ang.

1. Nunna Lallukhum:

He lawmman hi Martar hote chanvo deuh bik a ni a, vawi hnih sawiin a awm. (Jacoba 1:12; Thup 2:10). Helai thu hi hrehawmna hun a huai taka martarte an ni ngei ang.

2. Ropuina Lallukhum:

He lawmman hi chu beramvengtute, Lal ber lo kal huna pek tur a ni a, Pastor leh Upate hnena pek tur niin a lang a, nimahsela hlepna bawlhhlawh duh vang emaw, Pathian mite chunga intihlalna nena rawngbawltu chuan a hmu lo vang. (I Pet 5:2-4)

3. Felna Lallukhum:

He lawmman hi chu A lo kal leh ngaitute hnena pek tur a ni. (II Tim 4:8)

4. Lawmna Lallukhum:

He lawmman hi chu Krista hnena Thlarau bo mantute tana buatsaih a ni a, Lalpa lo kal leh hunah a hnena kan hruaite chu kan tan lawmna Lallukhum an ni ang.(I Thes 2:19; Phil 4:1)

5. Lallukhum chhe thei lo:

I Kor 9:25-27 He lawmman hi khawvel nawmsakna leh hlimhlawpna atanga inthiar fihlim leh mahni taksa thunun theitu te tan a ni.

Hengte hi ringtute tana lawmman buatsaih hrang hrang te an ni a, lawmman kan dawng ve ngut angemaw chu le ! Engemaw tal lawmman dawng turin i inbuatsaih sauh sauh ang u.

..............................

Read More Article/Sermon : Click on this link : Articles/Sermon

ATTACHMENTS
Missionary Refresher Course Training neih mek a ni.

Missionary Refresher Course Training neih mek a ni.

January 23 -30, 2023 chhung hian Missionary Refresher's Course TrainingJubilee Bible School, Serkawn-ah neih mek a ni a. Thawhtan zan dar 6:30-ah Training-a lut turte inhmelhriatna leh lawmna hun hmangin, hawnna neih a ni a. …

Phar pual Pathianni - January 29, 2023

Phar pual Pathianni - January 29, 2023

Tunkar Pathianni, January 29, 2023 hi “Phar pual Pathianni” (The Leprosy Sunday) a ni a.  Mizoram Baptist Kohhran chuan he ni hi kum tinin urhsun takin a hmang thin a ni. Kumin Phar pual Pathianni thupui chu “Phar te tithianghlim ula” (Mt 10:8) tih a ni ang. …

Theological Education Committee, BCM in Professor a a hlankai ten Professorial Inaugural Lecture an pe.

Theological Education Committee, BCM in Professor a a hlankai ten Professorial Inaugural Lecture an pe.

BCM Theological Education Committee in professor a a hlankai te Rev. Dr. Vanlalchhawna Khiangte leh Rev. Dr. Elungkiebe Zeliang te chuan January 25, 2023 khan AICS ah profesorial lecture pe in hun an hmang. Rev. Dr. Vanlalchhawna Khiangte hi BCM ordained minister niin, doctor of theology New Testament subject a nei a ni a, kum 2019-2021 chhunga AICS principal niin, tunah hian Hrangchalkawn bialtu pastor ani mek ani. …