October 1, 2025 khan Headquarters Office, Serkawn Sap Upa leh Pu Buanga Hall-ah BCM hnuai a thawk lai, Probationary Pastor kum khatna, kum hnihna leh kum thumna te chuan Annual Exam an nei a, tun tumah hian kum khatna mi 5, kum hnihna mi 5 leh kum thumnaah mi 9, an vaiin mi 19-in exam hi an bei a ni.
Mizoram Baptist Kohhran hnuaia thawk tur Pastor atana lak thar te hi kum thum chhung Probation Period an hmang thin a. Hemi kum thum chhung hian Pastor Bial-ah te Bialtu Pastor kaihhruaina-in Bial enkawl hna leh Kohhran enkawl hna te an thawk a. Hemi chhung hian Probationary Pastor Examination Board-in Subject hrang hrang thlan chhuah te hmangin Probationary Pastor Exam leh Project ziak-te an nei ลฃhin a ni. Pastor Biala an rawngbawlna te, exam-a an mark hmuh te leh an Project te endik a nih hnu-ah Pastoral Ministry Deparmtent Committee-in Ordain tlaka a ngaih chuan, Assembly Executive Committee Meeting hmaah Interview an hmachhawn leh ang a, Executive Committee Meeting-in Ordain tura a thlan te chu Assembly-ah ordain turin chhawpchhuah an ni ta thin a ni.
