KNP Serkawn Unit-te chuan October 3, 2025 zirtawpni zan khan riak lutin, Camping an nei. Camp hi Inrinni tlaiah an chhuak a ni.
Zirtawpni zanah Tawngtai chungchang sermon ngaihthlak a ni a, Sermon inkhawm zawhin movie night hman chhunzawm a ni. Christian movie tha leh zirtir nei tha tak tak en ho a ni a. Naupang te’n nuam an ti hle.
Inrinni-ah Piantharna- Isua leh Nikodema atangin Piantharna chungchang zirho a ni a, Tukthuan eikhamah Kum 7 chin hnuai lam tan Bible Story Colouring hun hman a ni a. Hemi chhung hian Kum 8 chin ten “Nun tobul” tih hmangin Sermon an ngaithla thung. Thusawi/Sermon zawhah, Sermon pui turin Art&Craft hmangin activity neihpui thin a ni a. Naupangin nuam an ti hle. Chawhnulamah Pathian Dan 10 pek tih hmangin zir hona neih leh a ni a, naupangin Pathian Dan 10 fiah taka an vawn a, an nunpui a, an hriat reng theihna turin sermon zawhah craft hmangin activity neih chhunzawm a ni bawk.
Pathianni chawhnu-ah Jr. TKP leh KNP Combine-in Praise & Worship neih a ni a, Naupang te’n nuam an tiin, Pathian hnathawh ropui tak naupangteah a lang nasa hle. He tah hian Naupang 120 vel an tel thei a ni.
