October 19, 2025 Pathianni hi 'North East India Christian Council αΉ¬awngΕ£ai Ni' (NEICC Day of Prayer) atan hman a ni dawn. He ni hi North East India Christian Council hnuaia Kohhran hrang hrang te chuan kum tinin urhsun takin an hmang Ε£hin a ni.
Kum danga an lo tih Ε£hin dan angin NEICC member Kohhran pawl hrang hranga Pastor te leh thusawi rawngbawl tura ruat te’n an mahni kohhran ni lo, Kohhran pawl dangah thusawi rawngbawlna (Pulpit exchange Programme) an nei Ε£hin a, kuminah pawh NEICC Headquarters aΕ£angin Pulpit Exchange Programme ruahman a ni. Kohhran tinah Headquarters aΕ£anga NEICC Report tawi chhiar chhuah tura tih chu chhiar chhuakin, thuchah sawituten hemi ni thupui atana thlan sa ‘Lei chi in ni e’ (Mathaia 5:13) tih hmangin thuchah an sawi ang.
NEICC hi North East India a Kohhran Pawl hrang hrang te inlungrualna ti nghet turin 1937 khan Assam Christian Council ti-a din a ni a, 1962 aΕ£angin North East India Christian Council tiin thlak a ni. Tun dinhmun-ah NEICC hnuaiah hian kohhran pawl hrang hrang 37 intelkhawmin, Associate member 18 an awm mek bawk. NEICC hian Kohhran inpumkhatna leh thawhhona lamah hma a lak Ε£hin mai bakah, Shillong-ah Higher Secondary School leh College (Union Christian College) te neiin, zirlai sang chuang an awm a ni. Zirlai leh a mamawh te tan Hostel Ε£ha tak a kalpui mek bawk a ni.
NEICC Day of Prayer αΉ¬awngΕ£ai subject duan sa point 9 hmangin Ε£awngΕ£aihona neih a ni dawn.
1. NEICC Member 55 te pualin; Kohhran 37 leh Associate member 18 te tan, mission lam leh kohhran rawngbawlna hrang hranga an hmalakna an hlenchhuah theih nan leh, Thlarauva inpumkhatna leh inunauna an neih zel theih nan.
2. NEICC Hmeichhe Pawl leh NEICC αΉ¬halai Pawl te tan; Chakna ata chak lehzualna an neih a, Hmeichhia leh αΉ¬halaite mamawh chhanna petu an nih theih nan.
3. NEICC Office-a thawktu leh an chhungkaw tan: Finna, hriselna, inpekna chuai lo, thiamna leh hriatna Pathianin a pek theih nan leh, NEICC rawngbawlna tluang taka a kal a, hlawhtlinna a chan zel theih nan.
4. Office Bearers te, Executive Committee Member te, Standing Committee Member te tan; mipui mamawhna anga rawng an bawl theih nan, a Ε£ha ber ti thei tura huaisenna an neih a, an hmaa mawhphurhna awm tithei tura an mamawh an dawn theih nan.
5. Union Christian College (UCC) leh UCC Higher Secondary School – Principal, Staff leh zirlai sang chuang zir mekte tan; Zirlaite tan tisa leh Thlarau lama thanlenna hmun duhawm a nih zel theih nan.
6. Peace Centre (Research, Documentation leh Training-na hmunpui) tan; North East India-a remna leh muanna a awm theihna tura hmanraw Ε£angkai a nih theih nan.
7. Manipur State buaina-ah remna tluantling a awm theih nan; thuneitu ten dik taka an mawhphurhna ti tura finna an neih theih nan, remna siamtu leh khawvêl êntu an nihna anga Pathian mi te’n an mawhphurhna an hlen theih nan.
8. Manipura chhawmdawlna, enkawl zuina, ngaiawhlehna leh intihbuaina avanga mipui mamawh phuhrukna tura hmalakna a hlawhtlin theih nan; Kohhran, pawl, chhungkua leh mimal hnenah he mi atan hian Ε£anpuina pawh dap mek a ni.
9. November 20 & 21 2025 chhunga NEICC pual ni hnih (2) awh Seminar “Tunlai India-a Rinna leh Zalenna” tih thupui hmanga awm tur tan leh, NEICC Din Champhaphak vawi 88-na lawmna Bungkawn Presbyterian kohhran, Aizawl, Mizorama-a awm tur tan.
10. NEICC Inkhawmpui Ε£um 5-na, kum hnih dana awm Ε£hin chu, Dt 21st – 24th May, 2026 chhungin Resubelpara Baptist Kohhran, Tura, Meghalya-ah a awm dawn a, a dawltu tur Garo Baptist Convention tan Ε£awngΕ£ai ni bawk se.
