October 15, 2025 khan BCM Electric Hnahthial kohhran te chuan Golden Jubilee (1975 - 2025) lawmna leh Biak In hawnna hun an hmang. Biak In len zawng hi A dung 82ft leh avang 52ft a ni a, Verandah hi 13ft a ni bawk.
Biak In hi Rev T. Vanlalremruata, Bialtu Pastor, Hnahthial North Pastor Bial in hawngin, Jubilee Dar vawi 50 vuak a ni bawk. Jubilee Zaipawl te’n Halleluiah Chorus ropui takin an rem.
Biak In hawn Programme neih zawh hian Inkhawm chhunzawm nghalin, Upa Laltlanthanga’n inkhawm a kaihruaia, Kohhran zaipawl leh KNP zaipawl bakah Nl. Lalhlumawii te’n zaia rawngbawlna an nei.
Upa Laltlanthanga kohhran chairman in Souvenir a tlangzarha, Upa Lianchhuma’n Pathian thuchah a sawi bawk a ni.
Chawhnu lamah pawh programme siamin, zanah Jubilee Nite hmangin kohhran Documentary Film hmuhnawm tak thlir hona te neih a ni bawk.
BCM Biak In Electric, Hnahthial tuna an hawn hi pathum an sakna a ni a. BCM Electric hi BCM Hnahthial Kohhran aลฃanga indang an ni a, kum 1975 October ni 15 ah inkhawm hmasa ber neiin, Kohhran din kum atana pawm a ni. Hetih hunlaia Bialtu Pastor hi Rev. Lawmsanga a ni.
Kohhran dintu puipa hmasa berte hengte hi an ni.
Chairman : Pu Thangzika
Vice Chairman : Pu Vanlalliana
Secretary : Pu F. Hniarkunga
Asst Secretary : Pu Sangvunga Sailo
Treasurer : Pu Thangvunga
Fin. Secretary : Pu Zakunga
BCM Electric hi tun dinhmunah:
Member : 1016
Kohhran chhungkua : 250
