November 16 (Pathinni) hi Mizoaram Baptist Kohhran Ni Pawimawh, ‘Naupangte Ni’ a ni a. Kumin Naupangte Ni thupui chu “Fate thutaka awm hlutna” (III Johana 4) tih a ni. Tualchhung Kohhran tinah Thupui hmang hian thuchah ngaihthlak a ni ang a, Tualchhung Kohhran tam zawk chuan He Ni-ah hian Headquarters duh dan angin Naupangte Ni thupui hmangin Naupangte enkawl leh kaihhruai kawnga Nu leh Pate mawhphurhna lam thuchah ngaihtlain hun an hmang thin, Naupangten item hrang hrang hmangin rawngbawlna an nei thin bawk.
Mizoram Baptist Kohhran Assembly Rorelna 2015 chuan tunlai khawvel sualna pung zel thlirin naupangte ngaihsak leh zual ลฃha a ti a, Naupangte Ni hi kumtin Pathianni zing inkhawm vawikhat hman thin nise tiin a rel a, Kumtin November Pathianni vawithumna a piangin hman nise tiin Assembly Executive Committee 2025(August) chuan a lo rêl a ni. Kohhran pum huapa naupangte ngaihpawimawhna lantirin, Kohhran mipuite inzirtirna hun atan ‘Naupangte Ni’ hman ลฃha a ti a. Kum 2016 aลฃang khan kum tin November Pathianni vawi thumna chu ‘Naupangte Ni’ atan hman a lo ni ta a ni.
Hemi Ni-ah hian Pathianni zing Inkhawm-ah Naupangte pawimawhna leh kaihhruaina lam zirtirna te ngaihthlak a ni thin a. Kohhran pum huapa naupangte pawimawhna inzirtirna hun a tan tangkai takin an hmang hman thin a ni.
BCM Statistical Handbook 2024-2025 in a tarlan danin KNP Unit : 545- ah KNP member : 33063 (Mipa-16106, Hmeichhia-16952) an awm mek a ni.
