Pathianni lo thleng tur, December 7, 2025 hi Mizoram Baptist Kohhran chuan Sunday School kum tawp exam hun atan a ruat a. Pathianni Chawhma Inkhawm banah Exam hi neih a ni ang. Sunday School zirlai zawng zawngte ลฃhahnemngai leh dik taka exam turin Christian Education Department Director, Rev. K. Lalnunsanga chuan a sawmin a chah a ni.
Sunday School kum tawp exam zawhnate hi Headquarters atanga siam niin, Bial Sunday School Secretary hnenah thawn vek a ni a. Ram pumah zawhna (question) inang tlang chhan tur a ni. Answer paper endik erawhchu Pastor bial Sunday School Committee in ruahmanna a siam ang.
Kum danga lo tih thin ang thovin kuminah pawh Senior ‘B’ Department leh Senior ‘A’ Department chu Pathianni hmasa khan zirlaite hnenah Question sem chhuah niin, in lamah (Zirlaibu leh Bible enin) an chhang a, Exam Ni-ah hian an chhanna an thehlut ang. Hetia in lama zawhna chhan theiha buatsaih hi Senior ‘A’ leh Senior ‘B’ ah chuan hun rei fu kalpui tawh a ni a, Department dang zawng chuan Sunday School Hall/Biak In-ah exam hi an chhang dawn a ni.
Christian Education Derector chuan Exam beitu zawng zawngte Pathian thu hriat kawnga ลฃhanglian zel tur leh Sunday School tihlutu ni zel turin duhsakna a hlan a. Kum thar, January 18, 2026-a Sunday School Pawl siamrem ni leh hming ziak niah pawh Kohhran member zawng zawngte Sunday School hming ziak tur leh thahnemngai taka kal turin a sawm nghal a ni
