Mizoram Baptist kohhrana thawktu te chuan January 9, 2026 (Zirtawpni) chawhma dar 11: 30 ah Inhlantharna hun an hmang. Lunglei-ah chuan Headquarters Office, Serkawn leh Lunglei khawpui chhunga kohhran zirna in leh Office hrang hranga thawktute puala inhlantharna hi BCM Hall Serkawn-ah an nei a, Rev. R. Lalrintluanga AGS (Mission)-in inkhawm a kaihruaia, Pi Lalhlimpuii Hrahsel, Nursing Superintendent, CHS in Pathian thu chhiarin ลฃawngลฃaina a neih hnuah Baptist Church Orphanage (BCO) Baptist English School (BES) leh Christian Hospital Serkawn (CHS) te hnen aลฃangin Special item ngaihthlak leh thlir ho a ni. General Secretary Rev. Dr. H. Lalthlamuana’n thawktute lawmna, chibai bukna, fuihtharna neiin, inhlanntharna hun a kai hruai nghal.
Department hrang hrang atanga kalte inchhiarna leh inhmelhriattirna Rev. Lalzarliana Khiangte Administrative Officer in a nei a, Rev. Vanlalmuankima AGS (Service)-in malsawm tawngtaiin inkhawm a khar a ni. He hunah hian Headquarters Lunglei ah thawktu mi 400 zet an tel thei a ni.
Hemini vek hian Aizawlah pawh Baptist Centre Falkland-ah inhlan tharna inkhawm neiin thawktu mi 70 chuang an kal khawm a, Rev. Dr. Chuaukailiana Vice Principal, AICS-in Inkhawm a kaihruai a, Upa K. Siamkima’n hunserh a hmanga, BLS Staff Staff leh AICS te’n special item tiin, Aizawl Area Baptist Choir leh Pu TBC Zaithanpuia te’n zaia rawngbawlna hun an hmang a. Rev. Dr. C. Lalhungliana, Executive Secretary, Aizawl-in thuchah sawiin, Rev. R. Lalrinliana Bialtu Pastor, Luangmual Pastor Bialin Inhlan tharna hun a hmang a ni.
Lawngtlaia thawktu te pawhin Damdiai Picnic Spot-ah inhlantharna hi hmangin, Thawktu mi 60 zet an kal khawm a ni. Inhlan tharna hun hi Rbt. HC. Zirkhumi’n kaihruaiin, Rev. TC. Vanlalmalsawma, Lawngtlai East Bialtu Pastor-in hunserh a hmang.
Rev. Dr. Lalzarliana Executive Secretary, Lawngtlai-in inhmelhriattirna leh thuchah tawi a sawia, Christian Hospital Lawngtlai a thawktute hnen aแนญangin Group zai leh Tv. Oscar Zaihmingthanga hnen aแนญangin mal zai rawngbawlna ngaihthlak a ni bawk. Rev. David Lalmalsawma Lawngtlai North Bialtu-in Thawktute inhlan tharna hun a kaihruaia, Rev. C. Lalremmawia Lawngtlai South Bialtu-in malsawmnain hun a khar a ni.
