March 16, 2024 (Inrinni) khan Vairengte Pastor Bial Upa leh Rawngbawltu te pualin Leadership Training BCM Town Church Vairengte-ah a neih a ni a. He hunah hian Rev R. Lalnunzira, AGS-Service chu zirtirtu atana hman a ni. Nilengin training hi neih a ni a, Bial chhunga Kohhran Upa leh rawngbawltu mi 32 an tel thei a ni. He hunah hian BCM Town Church, Vairengte-in Annual report, a bu-a buatsaih chu bialtu pastor Rev. C. Lalhmangaihzama’n a tlangzarh bawk.
Hemi vek, tlai dar 2:30-ah Vairengte Pastor Quarters sak thar chu AGS hian hawngin pathian hnenah a hlan a. Pastor Quarters hawnna Programme hi Aizawl North ABC puipate- Upa H. Lalmuankima, Secretary leh Upa Vanlalruata, Asst. Secretary ten an hmanpui.
Pastor Quarters hawnna Inkhawm hi Rev. C. Lalhmangaihzama, Bialtu Pastor-in kaihruaiin, Upa R. Templemawia, Bial Secretary-in report a pe a. AGS in thuchah a sawi bakah ABC aiawh ten lawmpuina thu sawiin Upa Zothanpuia, Work Supervisor-in Pastor Quarters sak dan report tlangpui pe-in, Upa Eddie Zodinliana, Bial Asst.Secretary-in lawmthusawina a nei.
AGS hi Inrinni zan, Pathianni zing leh Pathianni zanah te thusawina hun pe-in Bial chhung Kohhran hrang hrangah hun a hmang nghal a. Inrinni zanah – IOC Veng-ah inkhawmin thuchah a sawi a, Pathianni zingah Town Church-ah hun hmangin, Pathianni zanah Phainuam Kohhranah te rawngbawlna a nei a, ABC hruaitu te pawh Bilkhawthlir leh Buhchangphai Kohhranah te hun pek an ni.
