May ni 11, 2024 Inrinni chawhnu dar 1:00 khan Aizawl Area BMP Coordination executive Committee Meeting vawi 11-na chu Conference Hall, Baptist Centre Falkland, Aizawlah neih a ni a. Kum 2024-2026 chhunga hruaitu tharte kaihhruaina hnuaia Executive committee meeting hmasaber a ni. Meeting hi MBMP hruaitu pahnih Pu Vanlalpeka, Finance secretary leh Pu Lalneihkunga executuve committee member ten an telpui a ni.

Area Chairman thar Dr. B.Zohnginga'n meeting a kaihruaia, Secretary Pu Thangliana’n report pein, Aizawl area bikah Bial BMP 21 ding tawhin heng bial hrang hrangah hian Unit 100 an awm thu a sawi a, Executive Committee member tharte inhmelhriat tirna neiin, Finance secretary Pu C.Lalhmunsanga’n leh Treasurer Pu Robinson N. Chungnunga’n sum dinhmun an tarlang bawk.  He meetingah Bial BMP dingthar Kolasib bial tlawh chungchang te, MBMP Rorel 2025 thlen dil chungchang te, Aizawl Area BMP Media incharge ruat chungchang leh ṭul dang hrang hrang te a rel a ni.

Kum 2024-2026 chhunga Aizawl Area BMP Coordination Committee hruaitute chu hengte hi an ni.

Chairman: Dr B Zonghinga, BCM Gilead,
Vice Chairman: F.Lalruatkima, BCM Electric,
Secretary: Thangliana, BCM Chaltlang,
Assistant Secretary: Lalhmingmuana, BCM Ramhlun North,
Treasurer Robinson N Chungnunga, BCM New Secretariat Complex,
Finance Secretary: C.Lalhmunsanga BCM ITI leh
Senior Adviser: Upa Biakchungnunga BCM Shalom

 

 

 

India Mission Association – Global Mission Summit leh Conference neih a ni

India Mission Association – Global Mission Summit leh Conference neih a ni

India Missions Association buatsaihin Zarkawt Prebyterian Kohhan Biak-inah-ah Global Mission Summit – 2024 chu June 11, 2024(Thawhlehni) zan atang khan neih tan a ni a.  Summit thupuiah II Korinth 10:16 thu “ in ram piah lamah pawh Chanchin Ṭha chu kan la hril zêl ang” tih thu hman a ni. He Summit ah hian Mizoram Baptist Kohhran aiawhin AGS-Mission - Rev. Dr. R. Lalthanmawia leh Mission Director Rev. Lalremsiama Ralte te an tel a, IMA Committee member ni lai Pastor te leh Kohhran Upa engemawzat an tel bawk a ni.  Global Mission Summit hi June 14, 2024 (Zirtawp) zah an tiak ang. …

Phawngpui West pastor Bial TKP ten Fakna Inkhawmpui an nei

Phawngpui West pastor Bial TKP ten Fakna Inkhawmpui an nei

Thalai Kristian pawl, Phawngpui West Pastor Bial chuan May 7-9, 2024 hmang khan BCM Biak In, Vartek-ah - Sam No. 103:1 thu – “Aw ka nunna Lalpa chu fak la” tih thupui hmangin Fakna Inkhawmpui an nei a. Speaker-ah Rev. Lallianmawia, Bialtu pastor an hmang. He Fakn Inkhawmpui hi Lawngtlai Area Baptist Choir te, zaithiam Nl. KC Vanlalzami (Aizawl), Tv. R. Laldinpuia (Lawngtlai), Tv. Francis HC Zorammuana (Lawngtlai) leh Nl. LP Zairimawii (Lawngtlai)  ten zaia rawngbawlin an hmanpui a ni. …

Pangzawl pastor bial-ah Upa leh rawngbawltu Seminar neih a ni.

Pangzawl pastor bial-ah Upa leh rawngbawltu Seminar neih a ni.

June ni 8, 2024, Inrinni khan Pangzawl pastor bial rorel thu pass tihlawhtlingin Kohhran upa leh Rawngbawltute pualin seminar neih a ni. Seminar ah hian Rev. PC. Lalmuankima, bialtu pastor chu resource person niin, hruaitu tha nih theih nana pawimawh hrang hrang, Kohhran chawm nana pawimawh hrang hrang, thuhril rawngbawl hna thawhna kawnga inbuatsaih dan tur te zirho niin, sawiho tura chhawp chhuah hrang hrang te sawi ho a ni bawk. …