April ni 30, 2024 (Thawhlehni) chawhnu dar 1:00 khan Aizawl Area Development Working Committee Meeting, Baptist Centre, Falkland-ah neih a ni a.  Meeting hi Chairman Rev. C. Lalhungliana’n a kaihruai a, Secretary Rev. R. Lalrintluanga, Executive Secretary, Aizawl Area ni bawkin report a pe.

Executive Secretary report-in a tarlan zingah – Executive Secretary Office, Baptist House, Khatla-a awm thin chu Baptist Centre, Falkland-ah December 19, 2023-ah an insawn thu te, Baptist House Renovation leh Multipurpose Hall, Steel Structure siam pawh zawh fel a nih thu leh December 19, 2023 khan hawn a nih tawh thu te, Baptist Centre, Annaxed Building sakna sak chhoh mek a nih thu te tarlangin, Aizawl Area Development Committee ten Zokhawthar-ah Medical Free Clinic neia an feh chhuah thu te, Executive Secretary leh AADC hruaitu ten Bial leh Tualchhung Kohhran tlawh programme an neih thin thu te tarlan a ni a. BCM R&D sum te, Charity Fund leh Aizawl Area Kohhran te sum thawh tlingkhawm atangin Zohmun, Sakawr dai Biala Thli leh rial avanga chhiatna tuar te hnenah cheng 290,000/- sem a nih thu te, BCM R&D atanga sum hmun cheng nuai 3 atangin Aizawl khaw chhunga raltlan te chhawmdawlna leh tanpuina pek an nih thu te tarlan a ni bawk.

Meeting chuan Aizawl Area chhunga Bial hruaitute in pawlhona neih te, Area huap TKP Junior puala a Meet buatsaih chungchang te, Mass baptism buatsaih chungchang te ngaihtuahin, 2024-2025 atana Auditor tur te ruatin, Area Development Committee Budget ruahmanna te an thlir bawk.